Mádenıet jáne aqparat mınıstri Ortalyq Azıanyń ortaq telearnasyn ashý máselesi qaralyp jatqanyn aıtty.
Telearnaǵa birlesip kontent daıyndaý boıynsha naqty sheshimder qabyldandy, dep habarlaıdy aqshamnews.kz
Búgin Astanadaǵy II Ortalyq Azıa medıaforýmynda Qazaqstan, Ózbekstan, Qyrǵyzstan, Tájikstan men Ázerbaıjan ókilderi kezdesip, birlesken medıa jobalardy shyǵarý máselesin talqylady.
Aıda Balaevanyń aıtýynsha, arnaıy kezdesýde naqty sheshimder qabyldandy.
"Biz Silk Way telearnasynyń jumysyna kirisip, birlesip kontent daıyndaý boıynsha naqty sheshimderdi qabyldadyq. Osylaısha, qazirgi kezde Ortalyq Azıa elderi óńirdegi aqparattyq yntymaqtastyqty nyǵaıtýǵa baǵyttalǵan birlesken telearna men óńirlik medıaplatformany iske qosý múmkindigin qarastyrý ústinde",-dedi Balaeva.
Mınıstr medıa salasynda ózara yntymaqtastyqty nyǵaıtý maqsatynda Qazaqstannyń birneshe usynysyn jarıalady. Atap aıtqanda,
Ortalyq Azıanyń jýrnalısik akademıasyn qurý,
óńirlik kreatıvti habyn ashý,
jýrnalısıka salasynda Ortalyq Azıa syılyǵyn taǵaıyndaý,
“Bizdiń adamdar” telejobasyn iske qosý,
Naýryzǵa arnalǵan telekópir uıymdastyrý,
serıaldar úshin tólemdi azaıtý nemese múldem alyp tastaý,
taǵy basqa bastamalar bar.