Instagram-da adamzatty kóbirek baqylap, tańdaý múmkindigin azaıtatyn CBDC sıfrlyq valútasy týraly vıdeo talqylanýda. Rolık avtorynyń aıtýynsha, eger adam zańdy buzsa nemese áreketi kúmándi bolsa, onda onyń elektrondy ámıany óshiriledi. Sonymen qatar, qolma-qol aqsha kádesyıǵa aınalady jáne ony paıdalaný múmkin bolmaıdy. Osylaısha halyq sıfrlyq qaqpanǵa túsedi eken. Bul ras pa?
CBDC – bul ortalyq bankter shyǵaratyn jáne naqty taýarǵa baılanysty emes sıfrlyq valúta. Bul tólem jasaýǵa arnalǵan aqsha nysandarynyń biri. Álemniń eshbir elinde qolma-qol aqsha aınalymnan alynbaıdy. Ár memlekettiń óziniń sıfrlyq aqshasy jáne sıfrlyq valútasy bolady.
Búgingi tańda álemniń barlyq elderinde adamdar sıfrlyq tólemge kóbirek júginedi, óıtkeni bul yńǵaıly, jyldam ári qaýipsiz. Bankter men qarjy ınstıtýttary qazir sıfrlyq tranzaksıalardy kóbirek óńdeıdi, adamdar fılıaldarǵa sırek barady.
Keıbir elderde CBDC engizilgen, al basqalary alǵashqy qadamdar jasaýda. Máselen, Bagam araldarynda, Iamaıkada jáne Nıgerıada sıfrlyq valúta tolyǵymen engizildi. 100-den astam elde jańa elektrondyq aqsha jasaý múmkindigi zerttelip jatyr. Brazılıa, Reseı, Úndistan, Qytaı jáne Ońtústik Afrıka pılottyq satyda.
Qazaqstan 2021 jyly «Sıfrlyq teńge» pılottyq jobasyn iske qosty. Qazirgi ýaqytta QR Ulttyq Banki jańa valútanyń artyqshylyqtary men táýekelderi turǵysynan qajetti zertteýler júrgizýde. Bul uzaqqa sozylatyn proses. Qazaqstannyń Ulttyq Banki qolma-qol jáne qolma-qol aqshasyz aqshany sıfrlyq valútamen almastyrýdy josparlap otyrǵan joq, ol qatar paıdalanylatyn bolady.
CBDC-ge qol jetkizý úshin chıp qajet bolady degen konspırologıalyq ıdeıalardy jaqtaýshylar da bar. Bul ótirik, ony birqatar faktchekerler joqqa shyǵardy.
Buǵan deıin biz saıtymyzda sıfrlyq valúta týraly jıi kezdesetin feıkterdi taldadyq. Barlyq aqparat barshaǵa qol jetimdi, ony oqyp shyqsańyzdar bolady. (https://stopfake.kz/ru/archives/18562)
Sıfrlyq valúta aınalymǵa engizilgen elderdiń eshqaısysy adamdardy ony paıdalanýǵa májbúrlemeıdi. Bul ár adamnyń óz erki. Sondaı-aq, qolma-qol aqshadan da eshkim bas tartpaıdy. Áleýmettik jelide taralǵan vıdeo – feık.