Almatyda 2024 jyly uzyndyǵy 250 km 274 kósheni ortasha jóndeý josparlanýda. Qalanyń kóshe-jol jelisiniń jalpy uzyndyǵy 3097 km quraıdy. Joldardyń jaqsy jáne qanaǵattanarlyq jaǵdaıdaǵy úlesin aǵymdaǵy jyly 92% - ǵa deıin jetkizý josparlanýda.
Qalalyq mobıldilik basqarmasynyń habarlaýynsha, jumystardy jazda bastaý josparlanýda, bul rette 20 magıstraldyq kósheni jóndeý 25 tamyzǵa deıin, al aýdandyq kóshelerdi jóndeý bıylǵy qazan aıynyń sońyna deıin aıaqtalady.
Ár kóshe segmenttik qabattaǵy ýchaskelerge bólinedi. Ýchaskelerde merdigerlik uıymdar basshylarynyń baılanys aqparaty bar arnaıy stendter ornatylady. Barlyq smegmenttik qabattar týraly qala turǵyndaryna BAQ jáne áleýmettik jeliler arqyly habarlanatyn bolady, sondaı-aq jóndeletin ýchaskeler «2GIS» jáne «Iandeks kartalar» servısterinde kórsetiledi.
Joldardaǵy qaýipsizdikti arttyrý maqsatynda ortasha jóndeý aıasynda qosymsha qaýipsiz oryndar men jaıaý júrginshiler ótkelderi qurylatyn bolady. Trotýarlar men zaqymdalǵan aryq naýalardy jóndeý josparlanǵan. Frezerlengen materıal qaıta paıdalaný úshin aýdan ákimdikterine beriledi.
Aıta keterligi, ótken jyly pılottyq rejımde qalanyń 15 magıstraldyq kóshesinde jóndeý kezinde jolǵa jáne jaryqqa tózimdilikti arttyrýǵa baǵyttalǵan polımerasfaltobeton paıdalanyldy. Mundaı qospalar tozýǵa tózimdi, jumsartý temperatýrasy joǵary (65-70°C), sondyqtan ystyqqa kóp áser etpesten ońaı tótep bere alady, áldeqaıda uzaǵyraq qyzmet etedi – Qazirgi 5 jyl jumys isteýdiń ornyna 8-10 jyl. Aǵymdaǵy jyly bul tájirıbe jalǵasatyn bolady. Máselen, polımerasfaltbetondy uzyndyǵy 57 km bolatyn 20 magıstraldyq kósheni jáne aýdandyq mańyzy bar uzyndyǵy 19 km 12 kósheni jóndeý kezinde qoldaný josparlanyp otyr.
Esterińizge sala keteıik, megapolıs turǵyndaryna yńǵaıly bolý úshin jol ınfraqurylymyna arnalǵan arnaıy Telegram-arnanyń @AlmatyJolybot chat-boty iske qosyldy. Ol arqyly qala turǵyndary qala joldaryndaǵy shuńqyrlardy joıýǵa ótinish bere alady.