Qazaqstanda sıfrlyq teńge 2025 jyldyń sońyna deıin qoldanysqa engiziledi
Muny Ulttyq bank tóraǵasy málimdedi. Búgin Prezıdent qabyldaýynda bolǵan Ǵalymjan Pirmatov jańashyldyqty endirý úrdisi úsh kezeńge bólinedi dedi, dep habarlaıdy Almaty-akshamy.kz inbusiness.kz-ke silteme jasap.
Ázirleýshilerdiń biri Bınur Jálenovtyń sózinshe sıfrlyq teńge qazaqstandyqtarǵa 2023 jyldyń sońyna qaraı qoljetimdi bola bastaıdy. Birinshi kezekte memlekettik satyp alýlardyń bir bóligi kóshiriledi. Sondaı-aq keıbir járdemaqylar men áleýmettik tólemder de sıfrlyq valútada aýdarylatyn bolady. Bul búdjet aqshasyn jumsaýdaǵy ashyqtyqty qamtamasyz etedi, dedi tólem jáne qarjylyq tehnologıalardy damytý ortalyǵynyń tóraǵasy.
"2024 jyldyń sońyna qaraı biz sıfrlyq teńge oflaın rejıminde qoljetimdi bolady dep josparlap otyrmyz, ıaǵnı azamattarymyz ınternetsiz-aq sıfrlyq teńgemen esep aıyrysý múmkindigine ıe bolady. Al 2025 jyly platformany ónerkásiptik deńgeıge shyǵaryp, transshekaralyq esep aıyrysý mehanızmin pysyqtaıtatyn bolamyz. Tutynýshylarǵa smartfondaryna jańa qosymshalardy ornatýdyń qajeti bolmaıdy. Qoldanystaǵy bank qosymshalarynda sıfrlyq teńge úshin bólek ámıan paıda bolady", - dedi QR Ulttyq bankiniń tólem jáne qarjylyq tehnologıalardy damytý ortalyǵynyń tóraǵasy Bınur Jálenov.
Ulttyq bank qazaqstandyqtar arasynda saýalnama da júrgizgen. Nátıjesinde, respondentterdiń 60 paıyzy sıfrlyq teńgeni paıdalanýǵa daıyn ekenin aıtqan. Jańashyldyqty tıimdi endirý úshin eldiń bas qarjy uıymy halyqqa túsindirý jumystaryna basa mán bermekshi.