Búginde BUU baǵalaýy boıynsha Qazaqstan sıfrlandyrý salasynda ilgeri jetistikterdi kórsetip otyr. Bizdiń elimiz 193 memleket arasynda 24-shi orynda, sondaı-aq onlaın-qyzmetter ındeksi boıynsha 10 kóshbasshynyń qataryna kiredi, dep habarlaıdy aqshamnews.kz
Búginde ınternet arqyly memlekettik qyzmetterge qol jetkizý 92%-ǵa jetti. 2024 jyly Qazaqstannyń IT-salasy qarqyndy ósimdi kórsetti. IT-kompanıalardyń sany 18 683-ke jetti. Sońǵy úsh jylda 16% ósim.
Sonymen qatar IT-mamandarǵa suranys artyp keledi. Qazirgi ýaqytta IT-saladaǵy jumyspen qamtý 12%-ǵa artyp, 187 myń adamǵa jetti. Bul saladaǵy ortasha aılyq jalaqy 2024 jyly 54%-ǵa ósip, 673 myń teńgege jetti.
Memleket basshysynyń tapsyrmasyn iske asyrý maqsatynda jeke IT-mektepterdi yntalandyrý arqyly 2025 jylǵa qaraı 20 myń IT-maman daıarlaýǵa baǵyttalǵan Tech Orda baǵdarlamasy iske qosyldy. Búgingi tańda olar aqparattyq tehnologıalar salasynda 16 myńnan astam sarapshy daıyndady.
