Qazaqstan IT-qyzmetterdiń halyqaralyq naryǵyn senimdi túrde jaýlaýda. Otandyq ázirlemeler qazirdiń ózinde 86 shet memleketke eksporttalady. Eksporttyń negizgi baǵyttary – Reseı, Irlandıa, Meksıka, AQSH jáne Sıngapýr. 2024 jyly tabys $300 mln-nan asty. Sonymen qatar bizdiń elimiz venchýrlyq mámilelerdiń kólemi boıynsha kóshbasshy sanalady. Mysaly, ótken jyly olardyń somasy $80 mln-dy qurady. Mańyzdy ınvestısıalar CITIX, Hero's Journey, Higgsfield AI jáne basqa da kompanıalardan tartyldy. Búgingi tańda olardyń keıbiriniń quny $100 mln-ǵa jetti.
Qazaqstanda aqparattyq tehnologıalardy damytýda IT-hab mańyzdy ról atqarady. Arnaýly alańdarda túrli akselerasıalyq baǵdarlamalar ótkiziledi, jetekshi sarapshylar men ınvestorlar tartylady. Osylaısha, komersıalyq ónimderdiń syrtqy naryqtarǵa shyǵýyn jeńildetedi.
