Úkimet otyrysynda QR Sıfrlyq damý, ınovasıalar jáne aeroǵarysh ónerkásibi mınıstri Jaslan Mádıev Qazaqstannyń Sıfrlyq kodeksi Memleket basshysy belgilegen merzimde qabyldanatynyn málimdedi, - dep habarlaıdy Aqshamnews.kz.
«Qazir kodeks jobasyn Parlament Májilisi qarap jatyr. Ony pysyqtaý Májilis janynan qurylǵan arnaıy quzyretter ortalyǵy arqyly júzege asyrylady. Joba qazaq, orys jáne aǵylshyn tilderinde GitHub platformasynda jarıalanady», - dedi mınıstr.
Sonymen qatar Jaslan Mádıev «Alatau City» sıfrlyq qalasyna qatysty jobalar jaıly baıandady.
«Bul qalany qurý kezinde jasandy ıntellekt tehnologıalary qoldanylady, Smart City arhıtektýrasy ázirlenedi. Sondaı-aq ekojúıede krıptovalútalardy qoldanýǵa qajetti normatıvtik-quqyqtyq aktiler daıyndalady», - dedi mınıstr.
Aıta keteıik, Memleket basshysy Qasym-Jomart Toqaev óz Joldaýynda Qazaqstandy úsh jyl ishinde tolyqqandy sıfrlyq derjavaǵa aınaldyrý mindetin qoıǵan bolatyn. Bul baǵyttaǵy aldaǵy qadamdar men maqsattarǵa elimizdiń qanshalyqty qol jetkize alatyny týraly sarapshylar pikiri Kazinform agenttigi arqyly jarıalanǵan edi.