Almaty qalasynda Túrksib aýdandyq polısıa qyzmetkerleri iri kólemdegi esirtki zatyn tárkiledi, - dep habarlaıdy Aqshamnews.kz.
Polısıaǵa qaladaǵy qonaq úılerdiń birinde tyıym salynǵan zattardyń saqtalǵany týraly aqparat kelip túsken. Tekserý barysynda tártip saqshylary, ózine tán ıisi bar, aqshyl tústi untaq zat salynǵan birneshe baılamdy taýyp, tárkiledi. Sondaı-aq kúdiktiniń avtokóliginen de osyndaı bir baılam tabyldy. Tárkilengen zattyń jalpy salmaǵy 1,3 keliden asty. Atalǵan derek boıynsha qylmystyq is qozǵalyp, kúdikti qamaýǵa alyndy.
Polısıa azamattardy esirtkiniń zańsyz aınalymy týraly kez kelgen derek boıynsha belsendi túrde habarlaýǵa shaqyrady jáne zańda kózdelgen jaýapkershilikti eske salady.