Almaty qalasy jasyl shyrshamen bezendirildi.
Jańa jyl qarsańynda qalanyń ár jerinde ásem etip bezendirilgen shyrshalar shahar jurtshylyǵyna merekelik kóńil kúı syılady, dep habarlaıdy aqshamnews.kz.
Shyrsha – qala shyraıyn ashady
Qystaýbaı QAZAQBAEV,
zeınetker:– Ózderińiz biletindeı, Alataýdyń bókterinde arsha, shyrsha aǵashy kóp ósedi. Qysy-jazy jap jasyl bolyp, ottegi bóledi. Sonysymen de bul aǵashtyń mańyzy zor.
Qalamyzdyń ár jerinde qoıylyp jatqan shyrsha jańa jylǵa, sonyń ishinde almatylyqtarǵa arnalǵan tartý dep uǵamyz.
Almatyda turyp kele jatqanymyzǵa 40 jyldan asty. Árıne Jańa jyldy toılaý, merekege daıyndalý, Aıaz ata men Aqshaqar beınesi ábden sanaǵa sińip ketti. Otbasymyzben aýdanymyzdaǵy shyrshaǵa kelip sýretke túsip, estelik jasaýdy ádetke aınaldyrǵanbyz. Aıtarym, ár atqan tańymyz berekeli, kúnimiz sátti ótsin demekpiz.
Bári el ıgiligi úshin
Darhan QARABAEV,
shyrsha árleýshi:– Bizder Natalá Sas atyndaǵy teatr aldynda shyrsha qurdyq. Kóptegen jaryq shamdar, túrli oıynshyq bezendirýler arqyly árlep qoıdyq.
Bul – halyqtyń ıgiligi úshin jasalyp jatqan dúnıe.
2025 jyl - Jylan jylyn jaqsy kóńil-kúımen qarsy alýymyz kerek. Sol úshin shyrsha quryp, el-jurtqa jaqsy kóńil-kúı syılaý qajet.
Shyrsha – shahardyń sáni
Erkebulan SOVETHANULY,
shyrsha qurastyrýshy:Ulttyq kitaphana aldyna shyrsha qurdyq. Bul shyrsha «Gırlandy» jaryq shamdarymen árlengen. Shyrshanyń bıiktigi shamamen mólsherlep alǵanda 8 metrdi quraıdy.
Atalǵan shyrsha qalamyzdyń ortasynda ornalasqan. Ártúrli qala qonaqtary men turǵyndaryna negizdelip jasaldy. Buǵan kelip foto-sýretterge túsip, shat-shadyman kúıge bólenýge bolady.
Eń áýeli Qazaq eliniń egemendik merekesi qutty bolsyn! Aldymyzda attaǵaly turǵan Jańa jyl tek jaqsylyǵymen kelsin.
Shyrsha – Jańa jyldyń shyraıy
Qaldyǵaısha QURMANÁLIEVA,
qala turǵyny:– Almaty eń ásem shahar. Munda kelýge bári qushtar. Munarly Alataýdyń shyńdaryn qar basty. Bıyl erekshe qar jaýyp tur. Naǵyz qystyń belgisin bildiredi. Al Jańa jyl merekesiniń jaqyndap qalǵanyn shyrsha tigilgennen bilemiz.
Shyrsha – adamzat balasyna shabyt, jańa jyldyq kóńil-kúı syılaıdy. Sondyqtan qalada shyrsha qurylyp, bezendirilgeni qýantady. "Shuǵyla" móltek aýdanynda jańa jyldyq shyrsha bezendirilip, halyqqa jaqsy áser berip tur.
Aldaǵy jyl bárimizge qut-berekesin ala kelsin!
«Halyq arena» alańynda shyrsha ornatyldy
Dáýlet DÚISENQULOV,
merdiger:Atalǵan shyrsha qajetti árleýshi aspaly oıynshyqtar, sarǵysh tústes jaryq shamdarmen kómkerilgen. Bul jańa jyldyq shyrshanyń bıiktigi – 21, 5 metrdi quraıdy.
Bizdiń jigitter 2-3 kún boıy bar kúsh-jigerin, boıyndaǵy ónerin qoldanyp, jumys istedi.
Qala turǵyndaryn aldymyzǵy jańa 2025 jylmen quttyqtaımyz!
Jańa jyl sımvoly – shyrsha
Dáýren KÚMİSBAEV,
Túrksib aýdanynyń turǵyny:Bala-shaǵamdy alyp kelip, jańa jyldyq kóńil-kúıdi sezinip qaıtyp júrmiz. Aýdanymyzda ortalyq shyrsha ornatylǵany qýantady.
Kez kelgen adam úshin shyrsha jańa jyldyń sımvoly dep túsinemiz.
Shyrshanyń janynda shaǵyn muz aıdyny halyqqa qyzmet etip, ádemi úılesim berip tur. Balalar oınap, syrǵanap máz-meıram bolady.
Elimiz tynysh, jurtymyz aman bolsyn!