Elimizdiń sý salasynda 200-den astam «Táýelsizdik qurdastary» eńbek etedi.
Atap aıtqanda, Sý resýrstary jáne ırrıgasıa mınıstrliginde 1991 jyly dúnıege kelgen 10 maman, «Qazsýshar» fılıaldarynda 202 jáne baseındik ınspeksıalarda 3 sýshy bar, dep habarlaıdy aqshamnews.kz sala mınıstrligine silteme jasap.
Qazaqstan egemendigin alǵan jyly týǵan otandastarymyz búginde sý salasynyń bilikti mamandaryna aınalyp, elimizdi damytýǵa óz úlesterin qosyp jatyr. Olardyń keıbiri qarapaıym jumysshydan bastap, basshylyq qyzmetke deıin kóterilgen.
«Meniń ákem sý salasynda 42 jyl eńbek etken osy salanyń ardageri. Men de ákemniń jolyn qýyp, sýshy mamandyǵyn tańdadym. Osy salada 10 jylǵa jýyq eńbek etip kelemin. Búgingi tańda aǵa ınjener-gıdrotehnık laýazymyna deıin kóterildim. Táýelsizdiktiń qurdasy bolý – úlken jaýapkershilik. Sol sebepti jumysta da, kúndelikti ómirde de abyroıly bolýǵa tyrysamyn», - deıdi Qyzylorda oblysy boıynsha «Qazsýshar» fılıaly óndiristik ýchaskesiniń aǵa ınjener-gıdrotehnıgi Aıdos Ibadıldaev.