Zilzaladan 78 adam zardap shekti
Qytaıdyń Shyńjań Uıǵyr avtonomıalyq aýdany Aqsý okrýgynyń Ýshı ýezinde 7,1 bal jer silkinisi boldy. Bul týraly QHR Seısmologıalyq ortalyǵynyń málimetine silteme jasap TASS agenttigi málimdedi, dep habarlaıdy almaty-akshamy.kz.
Seısmologıalyq ortalyqtyń málimetine qaraǵanda, zilzala ólkeniń ortalyǵy – Úrimjide, oǵan jaqyn mańdaǵy aýdandarda óte kúshti sezilgen. Sonyń kesirinen 47 úı qırap, 78 adam zardap shekti. Jaralanǵan adamdar da bar.
Jer silkinisi 23 qańtarda saǵat 02:09-da bolǵan. Oshaqtyq tereńdigi – 22 shaqyrym.
Zilzala Aqsý, Atýsh, Qotan, Qashqar, İle, Qorla, Qaramaı men basqa jerlerde qatty sezildi.
7,1 baldyq jer silkinisinen keıin taǵy dúmpýler boldy. Qytaıdyń seısmologıalyq ortalyqtyń deregine súıensek, magnıtýdasy 5,3 kóp zilzala tirkelgen. Tańǵy saǵat 8.00 shamasynda magnıtýdasy 3,0 nemese odan da kóp 40 after silkinisi bolǵan.
Jer silkinisi Qazaqstan, Qyrǵyzstan men Ózbekstannyń aýmaǵynda da baıqalǵan.
Elimizde zilzala negizinen Almaty qalasynda tirkelgen.