Búst ortalyq alańǵa jaqyn aleıaǵa ornatyldy.
Elordalyq órt sóndirýshi Asqar Zabıkýlınniń qurmetine eskertkish Kókshetaýdaǵy ortalyq alańǵa jaqyn aleıaǵa ornatyldy, dep habarlady Aqmola oblysy TJD baspasóz qyzmeti.
Búst bıiktigi 3,7 metrlik tuǵyrǵa ornatylǵan. Eskertkishtiń aınalasy abattandyrylǵan jáne aǵashtarmen qorshalǵan.
"Asqar Zabıkýlınniń erligi, onyń ómiri – patrıotızmniń, paryzdyń, qoryqpaýdyń úlgisi. Búgin alańǵa shyqqan órt sóndirýshilerdiń qazirgi býynyna qaraıtyn adam bar. Asqar Zabıkýlınniń esimi Qazaqstan Respýblıkasy Tótenshe jaǵdaılar mınıstrliginiń ǵana emes, búkil elimizdiń tarıhynda jazylǵan. Onyń qaharman mysalynda jáne boryshy úshin óz ómirin qurban etken basqa qutqarýshylardyń mysalynda Qazaqstan Respýblıkasy azamattarynyń qaýipsizdigin adal jáne jaýapkershilikpen qamtamasyz etý úshin azamattyq qorǵaý organdarynyń júıesine keletin jastardyń jańa býyny tárbıelenetin bolady", – dedi tótenshe jaǵdaılar vıse-mınıstri Baýyrjan Syzdyqov.
Eske salaıyq, Asqar Zabıkýlın 2022 jyldyń qarasha aıynda turǵyn úı keshenindegi órtti sóndirý barysynda qyzmettik boryshyn óteý kezinde qaza taýyp, óz ómirin qaterge tigip, úsh adamnyń ómirin saqtap qalǵan bolatyn. Prezıdent Jarlyǵymen Asqar qaıtys bolǵannan keıin İ dárejeli "Aıbyn" memlekettik nagradasymen marapattaldy.