Shymkent qalasy ákimdiginiń shaqyrýymen «Creative Shustry of Shymkent 2023» forýmyna qatysqan Týrızm jáne sport mınıstriniń orynbasary Erjan Erkinbaev týrısik bıznes jáne kreatıvti ındýstrıa ókilderiniń basyn qosqan jıynda mınıstrliktiń negizgi mindetterin aıtyp, atqarylǵan jumystar týraly baıandady, dep habarlaıdy almaty-akshamy.kz.
İs-sharadan keıin ol qala turǵyndarymen kezdesý ótkizdi. «Creative industry of Shymkent» forým-kórmesine 500 adam qatysyp, 30-ǵa jýyq spıker kreatıvti ındýstrıa salasynda jańa ıdeıalardy engizý, jobalardy iske asyrý úshin ınvestorlar men demeýshilerdi tartý boıynsha baıandama jasady. Sonymen qatar kórme aıasynda 20 joba usynylyp, birqatar memorandým men jol kartasyna qol qoıyldy.
Jıynda Erjan Erkinbaev Shymkent qalasy tabıǵı kórikti jerlerimen, tarıhı-mádenı nysandarymen jáne qalanyń dámdi gastronomıasymen úlken týrısik áleýetke ıe ekenin atap ótti. Eń bastysy, óńir QR Úkimetiniń týrızm salasyna ınvestısıa tartý boıynsha nysanaly ındıkatorlarǵa qol jetkizý jónindegi alǵa qoıǵan mindetteriniń aldynda qandaı tabystarǵa qol jetkizgenine toqtaldy. Sonymen qatar óńirdiń múmkindikterin eskere otyryp, Erjan Erkinbaev aımaqtaǵy týrızmniń damýyna oń serpin beretin taý shańǵysy keshenin salý qajettigi týraly aıtty.
«Ýaqyt óte kele Qasqasý aýmaǵy taý shańǵysy týrızminiń ordasyna aınalady dep úmittenemiz. Bul baǵytta jumys júrgizilýde», - dep atap ótti QR TSM mınıstriniń orynbasary.
Sondaı-aq Erjan Erkinbaev óńirdegi jáne jalpy eldegi kreatıvti ındýstrıalardy damytý boıynsha pikirlerin ortaǵa saldy.