Shymkent qalasynda qylmystyq atqarý júıesi departamenti basshysynyń mindetin atqaryp júrgen orynbasary qamaýǵa alyndy. Bul aqparatty QR İshki ister mınıstrliginiń baspasóz qyzmeti rastady, dep habarlaıdy Almaty-akshamy.kz Inform.kz-ke silteme jasap.
«2022 jyldyń 9 shildesinde Shymkentte óziniń qyzmettik kabınetinde QAJD bastyǵynyń mindetin ýaqytsha atqarýshy ustaldy. Sotqa deıingi tergeý amaldary paraqorlyq faktisi boıynsha júrip jatyr. Ustalǵan azamat ýaqytsha ustaý ızolátoryna qamaldy», - delingen ishki ister mınıstrligi taratqan habarlamada. Anyqtalǵandaı, oǵan qatysty bultartpaý sharasyn sanksıalaý qaralyp jatyr. «Sybaılas jemqorlyq máselesi ishki ister mınıstrliginiń kúndelikti baqylaýynda. Osyǵan uqsas faktiler týraly QR İİM ózindik qaýipsizdik basqarmasyna habarlasýǵa bolady», - deıdi vedomstvodan.