Zardap shekkender joq
Shymkentte Igilik-Badam temir jolynyń 3266 shaqyrymynda 18 júk vagony aýdarylyp qaldy. Bul vagondar «Shymkent-Arys» baǵytyndaǵy 2489 júk poezynyń quramynda bolǵan, dep habarlaıdy Almaty-akshamy.kz QazAqparatqa silteme jasap.
Qalalyq TJD baspasóz qyzmetiniń málimetinshe, bul jaǵdaı búgin kúndizgi saǵat 16.37-de oryn alǵan. Aýdarylǵan vagondardyń 17-si bos bolǵan. Nátıjesinde áýe elektr jelileriniń 11 tiregi zaqymdalyp, temir jol tóseminiń ishinara zaqymdanǵan. Zardap shekkender joq.
«Temirjolda jóndeý-qalpyna keltirý jumystaryna «QTJ UK» AQ (55 adam jáne 1 qalpyna keltirý poıyzy) kúshteri jumyldyryldy. Oqıǵa ornyna qalalyq TJD basshylyǵy men jeke quramnyń 14 adamy jáne 4 birlik tehnıkasy shyqty. Atalǵan stansada vagondardyń isten shyǵýyna baılanysty «Almaty-Mańǵystaý» baǵytyndaǵy 77 jolaýshylar poıyzy 1 saǵat 15 mınýtqa kidirdi. Qazirgi ýaqytta poıyzdardyń qozǵalysyna áseri joq», - delingen habarlamada.