Avtorlyq jáne sabaqtas quqyqtardy saqtaý
El Senaty Dostastyqqa múshe memleketterdiń aqparattyq-telekommýnıkasıalyq jelilerde avtorlyq jáne sabaqtas quqyqtardy saqtaý jáne qorǵaý yntymaqtastyǵyna qatysty kelisimdi maquldady, dep habarlaıdy Almaty-akshamy.kz Jibek joly telearnasyna silteme jasap.
Qujat ınternette osy baǵytta quqyqtardyń buzylýyna qarsy is-qımyl tetikterin qurý jónindegi is-sharalardy ázirlep, iske asyrýǵa baǵyttalǵan. Iaǵnı, qatysýshy elder halyqaralyq deńgeıde osy ortaq máseleni retteýdiń ońtaıly nusqalaryn birlesip izdeıtin bolady.
Aıta keteıik, byltyr TMD-nyń segiz memleketi osyndaı ýaǵdalastyqqa qol jetkizdi. Qazirgi tańda buǵan qatysty memleketishilik rásimderdi Reseı, Armenıa, Belarýs, Qyrǵyz, jáne Ózbekstan elderi ótkizip qoıǵan.
«Memleketimizdiń zańnamasyn basshylyqqa ala otyryp, kelisimdi iske asyrýdy qamtamasyz etý barysynda: zańnamany jetildirý; qatysýshy memleketterdiń ýákiletti organdarymen yntymaqtasty tereńdetý jáne aqparat almasý; atalǵan saladaǵy zańsyzdyqtardyń aldyn alý jáne jolyn kesý jónindegi is-sharalardy ázirleý; osy taqyryp boıynsha semınar, konferensıa jáne birlesken ǵylymı zertteýler ótkizý baǵyttary boıynsha yntymaqtastyqty damytady», - dedi QR Parlamenti Senatynyń depýtty Amangeldi Tolamısov.