Almatyda jýrnalıs-shańǵyshylar klýby deıtin bir erekshe qaýymdastyq bar. Ol 2012 jyly qurylyp, SCIJ Kazakhstan dep atalady. Osy jyldar ishinde qaýymdastyq Qazaqstandy 30 eldiń jýrnalıserin biriktiretin bedeldi halyqaralyq uıym – SCIJ (International Ski Club of International Journalists) quramynda tanystyryp keledi. Búginde SCIJ Kazakhstan 45 jýrnalısi biriktirgen, ondaǵan starttarǵa qatysqan, halyqaralyq medaldar jeńip alǵan úlken qaýym.
SCIJ 67 jyldan beri jumys istep keledi. Klýb 1951 jyly fransýz jýrnalısi ári taý shańǵyshysy Jıl de La Rokktyń bastamasymen qurylǵan. Alǵashqy kezdesý 1955 jyly Fransıanyń Merıbel kýrortynda ótti. Sodan beri álemniń eń úzdik taý shańǵysy kýrorttarynda jyl saıyn kezdesý uıymdastyrylady. Oǵan ártúrli elden 100–200 jýrnalıs qatysyp, gıgant-slalom men shańǵy jarystarynda baq synap, kásibı taqyryptardy talqylap turady. Osy jyldar ishinde jýrnalıs-shańǵyshylardy álemniń 74 kýrorty qabyldaǵan.
Qazaqstandyq klýbtyń tarıhy bir adamnan bastaldy. 2012 jyly jýrnalıs Anastasıa Naýmeskaıa Túrkıada ótken SCIJ-diń jyl saıynǵy kezdesýine qonaq retinde alǵash ret qatysty. Bul ıdeıa ony sonshalyqty shabyttandyryp, 2013 jyly Irına Bajenova men Andreı Kýkýshkınmen birge qazaqstandyq komanda quryldy. Italıada ótken SCIJ-diń 60 jyldyq mereıtoılyq kezdesýinde Qazaqstan halyqaralyq klýbtyń resmı múshesi atandy. Anastasıa Naýmeskaıa búginde klýbtyń vıse-prezıdenti ári qazaqstandyq komandanyń turaqty kapıtany.
SCIJ Kazakhstan tarıhyndaǵy mańyzdy tulǵanyń biri – «Vremá» aptalyq gazetiniń bas redaktory, klýbty 13 jyl boıy basqarǵan Irına Bajenova.
«Jeke ózim taý shańǵysymen 40 jyldan astam ýaqyt boıy aınalysyp kelemin. Bul áýestikti maǵan ákem darytty. Ol kezde bul sport sánde bolmaǵan, olar kótergishterdi ózderi jasap, tipti shańǵy báteńkelerin qolmen tigetin. Sebebi keńes zamanynda olardy dúkennen satyp alý múmkin qıyn edi.
Men Shymbulaqta ratrak ta bolmaǵan kezderdi kórdim, qar jaýǵannan keıin betkeılerdi aıaqpen taptap shyǵatynbyz.
Maǵan munda ashyq aspan astynda jattyǵatyny unaıdy. Bizdiń stadıon – taý. Taza aýa, qys mezgilinde de belsendi bolyp, sportpen aınalysý – osynyń bári adamǵa erekshe áser berip, kádimgideı sergitedi.
SCIJ Kazakhstan klýby qurylǵan kezde men áriptesterime qysqy sporttyń qyzyǵyn kórsetip, qarly, aıazdy kúnderi de ýaqytty taýda ótkizýge bolatynyn dáleldegim keldi. Biz sheteldik jarystarǵa barǵanda kóp adam alǵash ret Eýropany kórdi, ondaǵy taý shańǵysy kýrorttarynyń qalaı jumys isteıtinin bildi.
Meniń oıymsha, klýbtyń mańyzdy aǵartýshylyq mısıasy bar. Týrızm men sport týraly jazatyn jýrnalıser trassalardyń, kótergishterdiń, servıstiń qalaı uıymdastyrylatynyn, kásibı termınderdi jatqa bilýi kerek. Bul ásirese qazir, Almaty taý klasteri damyp jatqan kezde óte mańyzdy.
Qazaqstanda taý shańǵysy men snoýbordtyń tanymal bolǵanyna, kýrorttarymyzdyń damyp jatqanyna qýanyshtymyn. Óóez múmkindikterińizdi durys baǵalańyzdar, basty qaterge tikpeńizder, mańaıyńyzdaǵy basqa adamdarǵa qaýip tóndirmeńizder.
12 jyl ishinde klýb 3 adamnan 45 adamǵa deıin ósti. Olar – telearna, gazet, aqparat agenttigi men onlaın-basylym jýrnalıseri. SCIJ Kazakhstan-nyń basty maqsaty – salaýatty ómir saltyn nasıhattap, jýrnalıserdi tartyp, olar arqyly qysqy halyqty sport túrlerine shaqyrý, sondaı-aq Qazaqstannyń týrısik áleýetin shetelde ilgeriletý. Osy klýbtyń arqasynda shamamen on jýrnalıs ómirinde alǵash ret shańǵy tepti. SCIJ Kazakhstan seriktesi – Shymbulaq men Oı-Qaraǵaı kýrorty.
Qazirgi tańda klýbty Sraıyl Smaıyl – «KTK» AQ Bas dırektordyń orynbasary, SCIJ Kazakhstan prezıdenti basqarady.
«Men bul klýbqa 2014 jyly keldim. Iaǵnı 11 jyl boldy. Ár bes jyl saıyn eseptik-saılaý jınalysy ótedi, ótken jyly ashyq jınalysta meni klýb prezıdenti etip saılady. Sondaı-aq vıse-prezıdentter men bas hatshy saılandy. Jyl ótken saıyn áriptesterimizdiń klýbqa qyzyǵýshylyǵy artyp kele jatqanyn atap ótken jón.
Olımpıada chempıony, áıgili fransýz shańǵyshysy Jan-Klod Kıllı: “Taý shańǵysy – baqyttyń ózi emes, biraq ony tolyqtaı almastyra alady” degen eken. Shańǵy – bul sport, densaýlyq, bıik taýlardyń romantıkasy. Biraq bul qaýipti sport túri de, ol belgili bir tehnıkany jáne taýǵa degen qurmetti talap etedi.
Men ózim 2014 jyly Shymbulaqta shańǵy tebýdi úırendim. Alǵashqy kúnim áli esimde: nusqaýshym bir metr júrip, qulap, sosyn qaıta turýdy úıretti. Ol kezde 51 jasta edim. Óte qıyn boldy. Ózimdi áli de kásibı shańǵyshymyn dep eseptemeımin, áli úırenip júrmin.
Keıin KTK-ǵa oralǵanda áriptesterimdi klýbqa tarttym. Kópshiligi múlde syrǵanaı almaıtyn. Sol kezde Shymbulaq bizge nusqaýshylar bólip, bir maýsym ishinde bárin shańǵy tebe alatyn qylyp shyǵardyq.
Eger Shymbulaq pen Oı-Qaraǵaıdy álemdegi basqa kýrorttarmen salystyrsaq, olardyń sózsiz artyqshylyǵy bar. Eń bastysy – jaqyn ornalasýy: qala ortalyǵynan jarty saǵatta jetýge bolady. Sondyqtan biz, jýrnalıs-shańǵyshylar, Almaty taý klasterin damytýǵa baǵyttalǵan aýqymdy jobalardy qoldaımyz».
Jyl saıyn SCIJ Kazakhstan Shymbulaq pen Oı-Qaraǵaı kýrorttarynda jýrnalıser arasynda gıgant-slalom boıynsha jarys, sondaı-aq «Alataý» shańǵy-bıatlon kesheninde shańǵy jarysyn ótkizedi.
2024 jyly Qazaqstan alǵash ret SCIJ-diń 69-shy halyqaralyq kezdesýin Almatyda qabyldady. Úıdegi start naǵyz trıýmf boldy: qazaqstandyq komanda 7 medal, onyń ishinde 3 altyn medal jeńip aldy. Bul jetistik 2025 jyly Italıadaǵy Bardonecchia kýrortynda ótken kezdesýde de rastalyp, qazaqstandyq jýrnalıser taǵy 7 medal, sonyń ishinde 4 altyn medal enshiledi.
2025–2026 qysqy maýsymyn klýb 19 jeltoqsanda Shymbulaqta, jýrnalıser arasynda taý shańǵysynan Qazaqstannyń ashyq chempıonatyn ótkizý arqyly ashty. SCIJ Kazakhstan músheleri úshin bul jarys qana emes, taýǵa qushtar jandardyń taǵy bir basqosýy ispetti boldy.