Rıdderde 31 jeltoqsanda joǵalǵan jasóspirim eki kúnnen keıin aman tabyldy, - dep habarlaıdy aqshamnews.kz tilshisi.
Bul týraly 2 qańtarda polıseıler málimdedi.
"2025 jylǵy 31 jeltoqsanda polısıaǵa Rıdder qalasynda oqý ornyna barǵannan keıin úıine qaıtpaǵan kámeletke tolmaǵannyń joǵalǵany týraly habarlama tústi", - delingen materıalda.
Polısıa qyzmetkerleri jergilikti turǵyndardyń kómegimen izdestirý jumystaryn uıymdastyryp, qyzdy taýyp, ony úıine jetkizdi.
"Ýchaskelik polısıa ınspektorlary jasóspirimmen jáne onyń ata-anasymen profılaktıkalyq áńgime júrgizdi, qaýipsizdik erejeleri men bolashaqta mundaı jaǵdaılardyń aldyn alýǵa baǵyttalǵan sharalar túsindirdi", - dedi polıseıler.
Quqyq qorǵaý organdary izdeýge kómekteskenniń barlyǵyna alǵys aıtyp, ata-analarǵa balalardyń qaýipsizdigin qadaǵalaýdy, olarmen turaqty baılanysta bolýdy jáne qandaı da bir kúdik týǵan jaǵdaıda 102 nómiri arqyly polısıaǵa dereý habarlasýdy eske saldy.