Júk tıelgen 18 vagon relsten shyǵyp ketti
Bul týraly «Qazaqstan temir joly» ulttyq kompanıasy» aksıonerlik qoǵamynyń baspasóz qyzmeti málimdedi, dep habarlaıdy Almaty-akshamy.kz
«3 sáýir kúni 12 saǵat 04 mınýtta Shyǵys Qazaqstan oblysynyń Óskemen – Kúmistaý temirjol ýchaskesinde júk poıyzynyń 18 vagony relsten shyǵyp ketti. Poıyz saǵatyna 37 km jyldamdyqpen júrgen. Rýda tıelgen eki vagon - Reseı Federasıasynyń menshigi. Shlak tıelgen taǵy 16 vagon «KazsınkTemirTrans» JSHS-ne tıesili», - dep jazylǵan resmı aqparatta.
Ulttyq kompanıa ókilderiniń aıtýynsha, oqıǵa saldarynan qaza bolǵandar men zardap shekkender joq.
«Jolaýshy jáne júk poıyzdarynyń kidirisi bolǵan joq. Qazirgi ýaqytta qalpyna keltirý jumystary júrip jatyr. Bolǵan jaǵdaıdyń sebep-saldaryn tekserip, anyqtaý úshin «QTJ» UK» AQ basshylarynan komısıa quryldy», - dep jazady kompanıanyń baspasóz qyzmeti.