Muz ústindegi erekshe óner: mánerlep syrǵanaý men ánniń ásemdigi úılesim tapty
Reseılik mánerlep syrǵanaýshy, 2018 jylǵy Olımpıada oıyndarynyń eki dúrkin kúmis júldegeri, eki dúrkin álem chempıony Evgenıa Medvedeva qazaqstandyq ánshi Dımash Qudaıbergenniń oryndaýyndaǵy «Your love» ánimen erekshe óner kórsetti, dep habarlaıdy Almaty-akshamy.kz
3 sáýirde Sankt-Peterbýrgtegi «Iýbıleınyı» sport saraıynda Ilá Averbýhtyń «Muz dáýiri. Chempıondar» atty muz shoýy ótti. Onda reseılik mánerlep syrǵanaýshy, 2018 jylǵy Olımpıada oıyndarynyń eki dúrkin kúmis júldegeri Evgenıa Medvedeva álemge tanymal qazaqstandyq ánshi Dımash Qudaıbergenniń kompozısıasymen óner kórsetti. Evgenıanyń nómiri erekshe ádemi boldy. Onyń názik qımyldary mýzykamen sheber úndesken. Aq muzǵa alqyzyl kóılekpen shyqqan mánerlep syrǵanaýshy Dımash ánindegi jaraly júrekke uqsady.
Aıta keteıik, Dımash alǵash ret kompozıtor Igor Krýtoıdyń Lara Fabıannyń óleńderine jazǵan týyndysyn 2020 jyly 8 naýryzda Máskeýde dızaıner Valentın Iýdashkınniń mereıtoılyq keshinde oryndaǵan bolatyn.