Bas prokýratýra Shvesıadan Qazaqstanǵa alaıaqtyqqa oqtalý jasady degen kúdiktini ekstradısıalady, dep habarlaıdy almaty-akshamy.kz Bas prokýratýranyń baspasóz qyzmetine silteme jasap.
2019 jyldyń tamyz aıynda Almatyda ózderin Ulttyq qaýipsizdik organdarynyń qyzmetkerlerimiz dep tanystyrǵan bir top adam kásipker isine tekserý júrgizip, qylmystyq jaýaptylyqqa tartamyz degen jeleýmen 30 myń AQSH dollary kólemindegi qarajatty jymqyrmaq bolǵan.
Olardyń áreketteriniń jolyn kesý kezinde, bireýi qylmystyq qýdalaý organdarynan jasyrynyp úlgergen, sondyqtan ol halyqaralyq izdeýge jarıalandy.
Keıinnen Qazaqstan tarapynyń ótinishi boıynsha ony Shvesıa Koróldiginiń quqyq qorǵaý organdary Stokgolm qalasynda ustady. QR Bas prokýratýrasy men İİM Interpol qyzmetkerleri, Syrtqy ister mınıstrliginiń qoldaýymen kúdikti Qazaqstanǵa jetkizildi. Qazirgi ýaqytta ol Astana qalasynyń tergeý ızolátoryna qamaldy.
Atalǵan qylmysty jasaǵany úshin osyǵan tektes qylmys jasaǵandar múlki tárkilenip, 5 jyldan 10 jylǵa deıin bas bostandyǵynan aıyrý jazasyna kesilýi múmkin..