Qos quramanyń tájirıbesi men sheberlik deńgeıi qatarlas
Qatarda ótip jatqan fýtboldan 2022 jylǵy álem chempıonatynyń besinshi oıyn kúninde G tobynda Shveısarıa Kamerýnnan basym tústi, dep habarlaıdy Almaty-akshamy.kz QazAqparatqa silteme jasap.
Atalǵan toptaǵy alǵashqy kezdesý Shveısarıa men Kamerýn quramalary arasynda ótti.
El-Vakra qalasyndaǵy 44 325 myń jankúıerge arnalǵan «El-Djanýb» stadıonynda bolǵan oıynda argentınalyq Fakýndo Telo bas tóreshi qyzmetin atqardy.
Qos quramanyń tájirıbesi men sheberlik deńgeıi qatarlas. Sondyqtan oıynnyń tartysty órbıtini belgili edi.
Tóreshi ysqyryǵy estilgen sátten fýtbolshylar jasyl alań tórinde taıtalasqa tústi. Birinshi kezeńde tablodaǵy esepke ózgeris engen joq.
Ekinshi kezeń bastalǵan sátte shveısarıalyq fýtbolshylar alǵa qaraı umtyldy. Bul áreketi nátıjesiz bolǵan joq.
Oıynnyń 48-mınýtynda Brıl Embolo atalǵan quramany alǵa shyǵardy. Oǵan kamerýndyq qurama jaýap berýge tyrysty.
Aıta ketsek, eki qurama óz tarıhynda tuńǵysh márte kezdesip otyr. Sol tarıhı oıynda Shveısarıa qarsylasynan 1:0 esebimen basym tústi.
Eske salsaq, atalǵan toptaǵy Brazılıa men Serbıa kezdesýi elorda ýaqytymen 01:00-de bastalyp, «Qazaqstan» jáne «Qazsport» telearnalarynan tikeleı efırde kórsetiledi.
Sondaı-aq, búgin, 24 qarashada 19:00-de Ýrýgvaı men Ońtústik Koreıa kezdesýi «Qazsport», Portýgalıa men Gana oıyny 22.00-de «Qazaqstan» telearnasynan tikeleı efırde kórsetiledi.