Qolynda balasy bar erkekti soqqyǵa jyqqan Beıbit Shúmenov 5 jylǵa sottalýy múmkin.
Polısıa onyń ústinen qylmystyq is qozǵap, tergeý júrgizýdi bastady. Sonymen qatar Shúmenov balanyń ómirine qaýip tóndirgeni úshin bólek qylmystyq jaýapkershilikke tartylýy yqtımal. Máseleni Bala quqyqtary jónindegi ýákil Dınara Zákıeva kóterip jatyr, dep habarlaıdy Almaty-akshamy.kz.
Qazaqstan.tv arnasynyń habarlaýynsha, ol boksshyny balanyń ómirine qaýip tóndirý áreketi boıynsha jaýapqa tartý úshin İshki ister mınıstriligine júgingen. Dınara Zákıeva bul jóninde óziniń áleýmettik jelidegi paraqshasynda jazdy.
Eske salaıyq, Astanadaǵy meıramhanalardyń birinde boksshy Beıbit Shúmenov er adammen eregisip, aqyrynda ony soqqyǵa jyqqany týraly keshe habarlaǵan bolatynbyz.
Bul jaıt beınabaqylaý kamerasyna túsip qalǵan. Shúmenovtyń qolynda balasy bar er adamdy aıaýsyz uryp jatqany kadrdan anyq kórinip tur.