Nıderland tarapynyń bastamasymen Memleket basshysy Qasym-Jomart Toqaev Nıderland Premer-mınıstriniń mindetin atqarýshy Mark Rúttemen telefon arqyly sóılesti.
Áńgimelesý barysynda taraptar Qazaqstan men Nıderland arasyndaǵy ınvestısıalyq jáne saýda-ekonomıkalyq yntymaqtastyqtyń qazirgi jaı-kúıi men perspektıvalaryna basa mán bere otyryp, ekijaqty kún tártibiniń ózekti máselelerin qarastyrdy, dep habarlaıdy Almaty-akshamy.kz Aqordaǵa silteme jasap.
Nıderland elimizdiń ekonomıkasyna tikeleı ınvestısıa quıý jóninen birinshi orynda tur. 2022 jyldyń qorytyndysy boıynsha ózara saýda-sattyq 26 paıyzǵa artyp, 6 mıllıard dollarǵa jaqyndady.
Mark Rútte eki eldiń arasyndaǵy qarym-qatynastarǵa joǵary baǵa berdi. Onyń aıtýynsha, Nıderland Qazaqstandy Ortalyq Azıa aımaǵyndaǵy negizgi saýda-ekonomıkalyq jáne ınvestısıalyq seriktes retinde qarastyrady.
Halyqaralyq kún tártibin talqylaý aıasynda Memleket basshysy beıbitshilik pen kelisim úshin barlyq eldiń jan-jaqty yntymaqtastyǵyn BUU Jarǵysynyń qaǵıdattaryna saı jolǵa qoıý mańyzdy ekenin atap ótti.