«Qylmystyq dýet» qalanyń tómengi bóliginde áreket etip júrgen.
Qalalyq krımınaldyq polısıanyń málimetinshe, qazir olardyń Almatynyń Jetisý jáne Túrksib aýdandaryndaǵy úsh páterdi tonaýǵa qatysy bar ekendigi anyqtaldy, dep habarlaıdy Almaty-akshamy.kz Polisia.kz-ke silteme jasap.
«Olar 40 jastaǵy M. esimdi azamat jáne 38 jastaǵy K. esimdi azamat. Buǵan deıin eki kúdikti de múliktik qylmystar jasaǵany úshin jazasyn ótep kelgen. Olardy polısıanyń arnaıy jasaǵynyń kómegimen krımınaldyq polısıa qyzmetkerleri qylmys ústinde ustady. Ratýshnogo kóshesindegi úılerdiń birinde ornalasqan bóten bireýdiń páterine qaskóıler aldyńǵy esiktiń qulpyna kilt tańdaý arqyly kirgen. Ol jerden urylar páter ıesine iri materıaldyq shyǵyn keltiretin múlikti alyp ketpek bolǵan. Qazir ustalǵandardyń ekeýi de qamaýda», – dedi Almaty qalalyq polısıa departamenti bastyǵynyń orynbasary Berik Ábilbekov.
Kúdiktilerdiń jeke basy basqa da qylmystarǵa qatysy bar-joǵyna jáne urlanǵan múliktiń satylǵan ornyn anyqtaý maqsatynda tekserý júrgizilýde.