Shotlandıanyń táýelsizdigi týraly 2014 jylǵy referendýmda «qarsy» tarap 55% daýys jınaǵan
Birinshi mınıstr Nıkola Sterdjen Shotlandıa parlamentinde el táýelsizdigi týraly ekinshi referendým ótkizý jospary týraly málimdeme jasaıdy, dep habarlaıdy Almaty-akshamy.kz «Habar 24» telearnasyna silteme jasap.
VBC News basylymy jarıa etkendeı, kelesi jyldyń qazan aıynda Ulybrıtanıa mınıstrleriniń resmı kelisimimen nemese onsyz zańdy daýys berýdi ótkizý josparyn jasaıdy dep kútilip otyr.
Shotlandıanyń táýelsizdigi týraly 2014 jylǵy referendýmda «qarsy» tarap 55% daýys jınap, jeńiske jetken. Sterdjenniń aıtýynsha, onyń referendým ótkizýge demokratıalyq mandaty bar. Óıtkeni táýelsizdikti qoldaıtyn partıalar – Shotlandıa ulttyq partıasy (SNP) jáne «jasyldar» (Scottish Greens) jergilikti parlamentte – Holırýdte kópshilik daýysqa ıe. Saıasatker Ulybrıtanıa úkimetiniń Shotlandıa halqynyń qalaýyna qarsy júrgizip jatqan kúresi Londonnyń ishki jáne halyqaralyq arenadaǵy pozısıasyn álsiretetinin atap ótti.
Jeksenbide shotland konservatorlarynyń jetekshisi Dýglas Ross N. Sterdjendi el ómir súrý qunynyń ósýi, uzaq merzimdi energetıkalyq qaýipsizdik, ekonomıkalyq damý, jumys oryndaryna qoljetimdilik sıaqty mańyzdy máselelermen betpe-bet kelgende «oıyn oınady» dep aıyptady.