Tehas ýnıversıtetiniń ǵalymdary joıqyn vırýstyń álemdegi shokolad qoryna qaýip tóndiretinin anyqtady.
Bul jaıynda islam.kz portaly PLOS ONE mmerzimdi basylymyna silteme jasaı otyryp málim etedi,dep habarlaıdy Almaty-akshamy.kz.
Bul arada búkil álemdik azyq-túlik qaýipsizdiginde mańyzdy ról oınaıtyn kakao óndirisine tikeleı qaýip týrasynda sóz bolyp otyr. Vırýs dúnıejúzindegi shokolad óndiretin úsh iri ortalyqtyń birinen sanalatyn Ganadaǵy kakao burshaqtarynyń 15-50 paıyzyn joǵaltýǵa ákelip soqtyratyn, qopsytqyshtar dep atalatyn jándikter zıankester arqyly taralady. Pestısıdtiń ózine boı bermeıtin jándikter kakao aǵashtarynyń japyraqtaryn, búrshikterin jáne gúlderin qorek etedi, al vırýs kakaony qaterli aýrýǵa (CSSVD) shaldyqtyrady. Fermerler juqpaly aýrýlardan qorǵaý úshin aǵashtarǵa ekpe engizý arqyly aýrýdyń taralýyna tosqaýyl qoıa alady. Degenmen, ekpeniń quny joǵary, ıaǵnı, jalaqysy tómen fermerler úshin qymbatqa túsedi. Budan bólek, ekpe alǵan aǵashtar az ónim beredi. Iaǵnı, bul aýrýmen ekpe arqyly kúresý tıimsizdik tanytýda. Aýrýmen kúresý úshin jańa strategıa ázirlendi – bul strategıa ekpe alǵan aǵashtar men kádimgi aǵashtardyń araqashyqtyǵyn saqtaýǵa saıady, dáliregi, aýrý juqtyrmasy úshin ekpe alǵan aǵash pen kádimgi aǵashtyń bir-birinen qashyq ornalastyrý kerek.