Qala basshylary bul kórsetkishke jedel jáne strategıalyq sharalar arqyly qol jetkizgen.
Almaty ákimi Baqytjan Saǵyntaev «Almaty» telearnasynyń tikeleı efır arqyly júretin Akimat LIVE baǵdarlamasy barysynda azyq-túlik baǵasyn bir qalypty ustaý úshin qabyldanyp jatqan sharalar jaıynda aıtyp berdi,dep habarlaıdy Almaty-akshamy.kz.
Qala ákiminiń aıtýynsha, saýda jelileri men óndirýshilerge 8 mlrd teńge shamasynda jeńildetilgen nesıe berildi. Osynyń arqasynda un, kúrish, qaraqumyq jarmasy, makaron ónimderi, qant, kúnbaǵys jáne sary maı, aıran, sút, súzbe, taýyq eti jáne sıyr eti osy jyldyń sońyna deıin belgilengen baǵamen satylady.
«2021 jylǵy 24 maýsymda Almaty qalasy men Almaty oblysynyń óńiraralyq kooperasıasy sheńberinde ózara yntymaqtastyq týraly Memorandýmǵa qol qoıyldy. Sapar qorytyndysy boıynsha Almaty oblysyna JLC Sút JSHS-men (sút, súzbe) kólemi 1000 tonna Magným jáne Naz-Dana SHQ (pıaz) saýda jelilerine Small jáne Toimart saýda jelilerine jetkizý boıynsha sharttar jasaldy. Sondaı-aq, «Alataý qus» (taýyq eti) kompanıasynan 820 tg/kg-nan 1200 tonna ónim jetkizý úshin 1 jylǵa 1 mlrd. teńge somasyna «aınalym» qaryzyn berý máselesi qaralyp jatyr», – dedi ákim.
Baqytjan Saǵyntaevtyń atýynsha, qosymsha 5 myń tonna qant jetkizý úshin iri qant óndirýshi – «Merki qant zaýytyna» «aınalym» zaemyn berý pysyqtalyp jatyr.