Táýelsizdiktiń 30 jyldyǵy qarsańynda elge eleýli úles qosqan jastardy nazarda ustadyq. Sonyń biri jas aqyn, Shabyttyń gran-prı ıegeri, Halyqaralyq beıbitshilik álemi syılyǵynyń 1 dárejeli dıplomanty Batyrhan Sársenhanmen suhbattasqan bolatynbyz.
– Álqıssany egemendik sizge ne berdi dep bastasaq?
– Iá, bul - táńirdiń tátti syıy! Eshkim jasaı almas, kóp jurt ańsaǵanmen qoly jete qoımaıtyn dúnıe. Bul ǵalamsharda baıtaq, darhan kóńildi qazaq deıtin halyqtyń urpaǵy bolý ǵanıbet. Tek tamsanyp júre berý az. Áreket etip, eldi sharyqtatýdyń jolyn izdegen abzal. Barshaǵa ortaq qundylyq ár ýaqytta óz mańyzyn joǵaltpasy anyq. Bárinen de rýhanı táýelsiz bolǵanǵa ne jetsin?!
– Birde "kópshilikten ozý ońaı" depsiz, keńirek toqtalsańyz?
– Meniń aǵamnyń 15 shaqty qoıy bar. Jylda tóldeıdi. Birqatary jazǵa jetpeıdi. Osylaı ýaqyt ótedi. Túk ózgerissiz. Men bulaı júrýdi jón kórmedim. Óz dańǵylymdy izdedim. Ol – aqyndyq. Bilesiz be? Táńir ózi bergen jalynyn ózi qorıdy. Adamdardy moıyndatý qıyn emes. Tek baǵytty aıqyndasańyz bolǵany. Ál-Farabı, Abaılar qıyn kezeńde ǵumyr keshti. Esesine óshpes iz qaldyrdy.
– Qoǵamda "aqyndar" dese, qaǵaz, qalam, qıal elesteıdi. Sizdiń hobbıińiz qandaı?
– Onyńyz ras! Dese de, logıkalyq nárselerge jaqyndaýmyn. Ol úshin udaıy shahmat oınaımyn. Janymdy jep oınaımyn dep te aıta alamyn. Mıdyń qyrtystaryn qozǵaıdy. Kóne Úndistan, Mysyrda patshalar elıtalyq top ókilderiniń súıikti oıyny sanalǵan. Men de qushtarmyn. Jalpy, bereri kóp. Fýtboldy da jaqsy kóremin. Shabýylshy. Sergitedi.
– Armansyz adam - qanatsyz quspen teń depti. Bolashaqtaǵy Batyrhan qandaı?
– Meniń árdaıym oılanatyn taqyrybym. Kúnige kem degende eki kisige jaqsylyq isteý - maqsatym. Al adamdarǵa jymıyp qaraý - daǵdym. Osy qasıetter ómirlik ustanymǵa aınalýda. Bálkim, keleshekte álemdi baǵyndyrarmyn. 2038 jyly Nobel syılyǵynyń laýrety atanamyn. Bul - aıdy aspanǵa shyǵaratyn jańalyq. Sol kúnge bárimizdi birge jetkizsin. Sondaı-aq, Sarbonna ýnıversıtetiniń mańdaıshasynda «Saǵan Qudaı bermegendi, Sarbonna ýnıversıteti bere almaıdy» dep jazylyp turady eken. Bul paradoks! Bolmasań da, uqsaı bilińiz!
– Suhbatyńyzǵa raqmet! Árdaıym alda bolyńyz!