Qazaqstan ekonomıkasyna 300 myń AQSH dollarynan astam ınvestısıa salǵan sheteldik bıznesmenderge 10 jylǵa vıza alý múmkindigin beretin zań jobasy ázirlenip jatyr.
Bul týraly Májilis depýtattarynyń saýalyna QR Premer-Mınıstriniń orynbasary – Saýda jáne ıntegrasıa mınıstri Serik Jumanǵarınniń jaýabynda aıtylǵan, dep habarlaıdy Almaty-akshamy.kz QazAqparatqa silteme jasap.
«Qazaqstan Respýblıkasy Prezıdentiniń 2022 jylǵy 1 qyrkúıektegi Joldaýyna sáıkes, osy kezeńde turýyna yqtıarhatty alý quqyǵymen Qazaqstan ekonomıkasyna 300 myń AQSH dollarynan astam ınvestısıa salǵan sheteldik bıznesmenderge 10 jylǵa vıza alý múmkindigin berýge baǵyttalǵan zań jobasyn ázirleý boıynsha jumys júrgizilýde», - dep atap ótti Serik Jumanǵarın jaýabynda.
Bul rette ,onyń aıtýynsha, eń aldymen, jumys istep turǵan kásiporyndardyń negizgi kapıtalyna ınvestısıalar, qosylǵan quny joǵary ónimderdiń ónerkásiptik óndirisin qurý, jańa tehnologıalar jáne qyzmetter kórsetý, ıaǵnı Qazaqstan ekonomıkasy úshin mýltıplıkatıvti effekt beretin ınvestısıalar (salyq túsimderi túrindegi búdjetke qosymsha qarjylyq túsimder, jańa jumys oryndaryn qurý jáne taǵy basqalary) eskeriletin bolady.