Almaty qalasynyń turǵyndary jáne qonaqtarynyń nazaryna!
Sizderge Qazaqstan Respýblıkasynyń kóshi-qon zańnamasynyń talaptaryn qatań saqtaýdy eske salamyz.
"Kóship kelýshilerdiń Qazaqstan Respýblıkasyna kelýi men onda bolýy qaǵıdalarynyń" 9-tarmaǵyna sáıkes sheteldik azamattardy qabyldaıtyn jeke jáne zańdy tulǵalar ózderine keletin kóship kelýshiler týraly İshki ister organdaryn habardar etýge mindetti ekenin túsindiremiz.
Atalǵan habarlama sheteldik azamat kelgen kúnnen bastap úsh jumys kúni ishinde mindetti túrde beriledi.
Osy merzimdi ótkizip alǵan jáne kóship kelýshiniń kelýi týraly İshki ister organdaryna habarlamaǵan jaǵdaıda, Qazaqstanda qabyldaýshy jeke jáne zańdy tulǵa Qazaqstan Respýblıkasy Ákimshilik quqyqbuzýshylyq týraly Kodeksiniń 518-baby boıynsha jaýaptylyqqa tartylatynyn eskertemiz.
Ákimshilik shara qoldanylýy:
Jeke tulǵalar úshin eskertý túrindegi jaza, al qaıtalap buzǵany úshin – 30 aılyq eseptik kórsetkish nemese 91 890 teńge mólsherinde aıyppul kózdelgen.
Zańdy tulǵalar úshin 10-nan 25 aılyq eseptik kórsetkishke deıin aıyppul kózdelgen. Qaıtalanǵan jaǵdaıda 100 aılyq eseptik kórsetkishke deıin aıyppul qarastyrylǵan, bul 306 myń teńgege teń.
Sheteldiktiń kelýi týraly habarlamany qabyldaýshy tarap úsh tásilmen bere alatynyn habarlaımyz.
1. Jeke jáne zańdy tulǵalar kóship kelýshiniń kelgeni týraly elektrondyq vızalyq jáne kóshi-qon portaly arqyly tikeleı habarlaı alady vmp.gov.kz nemese egov.kz arqyly. Ol úshin qazaqstandyq tarap elektrondyq sıfrlyq qoltańbasy jáne kóship kelýshiniń pasporttyq derekteri jetkilikti.
2.Qazaqstan tarapynan qabyldaýshy jeke jáne zańdy tulǵalar sheteldiktiń kelgeni týraly habarlamany tikeleı óz aýdany boıynsha ishki ister organdarynyń kóshi-qon qyzmetiniń bólimderi men bólimshelerine bere alady.
3. E-Qonaq qosymshasy arqyly habarlama beriledi.
Qazaqstan Respýblıkasy azamattary men sheteldikterdiń zańnyń osy talaptaryn saqtaýǵa mindetti ekenine taǵy da nazar aýdaramyn.