Almaty-akshamy.kz saıtynda búgin jaryq kórgen jańalyqtarǵa sholý – kún kerýeni
Almatyda samokattar baqylaýǵa alyndy
Qaladaǵy reıd barysynda qala joldarynda 168 quqyq buzýshylyqty anyqtalyp, 13 mas júrgizýshi ustaldy. Sonymen qatar 68 moped jáne 23 samokat júrgizýshisi ákimshilik jaýapqa tartyldy, 38 moped aıyppul turaǵyna qoıyldy.
Byltyr Almatyda samokat pen mopedter 617 jol apatyna sebepker bolǵan.
Ómirbek Baıgeldi ómirden ozdy
Búgin Astana qalasynda kórnekti memleket jáne qoǵam qaıratkeri Ómirbek Baıgeldi ómirden ótti. Ómirbek Baıgeldi – 1996-1999 j.j Qazaqstan Respýblıkasy Parlamenti Senatynyń alǵashqy Tóraǵasy boldy.
Ómirbek Baıgeldi 1939 jyly Jambyl oblysynyń Qyzyl-Oktábr aýylynda dúnıege kelgen. Eńbek jolyn Jambyl oblysy Jambyl aýdanynyń Qyzyl-Oktábr kolhozynda jumysshy bolyp bastaǵan.
«Kedendegi» keleli ózgeris
Almatydaǵy «Jetisý» keden beketinde 2024 jylǵy 2 sáýir - 30 maýsym aralyǵynda «Keden» aqparattyq júıesinde ekspress-júkterdi deklarasıalaý jónindegi pılottyq joba júrgizilýde.
«Keden» júıesinde jumys isteý úshin Ulttyq kýálandyrýshy ortalyqtyń elektrondy sıfrlyq qoltańbasy bolýy shart. Aqparattyq júıe https://keden.kgd.gov.kz/ siltemesi boıynsha qol jetimdi.
Qazaqstandyqtar Ońtústik Koreıada tegin oqıtyn boldy
Stýdentterge shákirtaqy berý týraly da Memorandýmǵa qol qoıyldy. Qazaqstandyq stýdentter Ońtústik Koreıanyń tórt jetekshi ýnıversıtetinde (Sungkyunkwan University, Kyung Hee University, Hanyang University, University of Seoul) bilim ala alady.
Ońtústik Koreıaǵa jumys sapary aıasynda Ǵylym jáne joǵary bilim mınıstri Saıasat Nurbek Seýl meri O Se Hýnmen kezdesti.
Qumar oınaǵan azar...
7000-nan astam adam ózderin qumar oıynnan shektegen. 18 naýryzdan bastap qumar oıyndarǵa jáne bás tigýge qatysýǵa derbes shekteýge arnalǵan onlaın-servıs iske qosyldy. Qazaqstannyń Týrızm jáne sport mınıstrligi qansha azamattyń onlaın oıyn oınaýǵa tyıym salǵanyn aıtty. 18 naýryzdan bastap Qazaqstan Respýblıkasynyń azamattary men turǵyndaryn qumar oıyndarǵa jáne bás tigýge qatysýǵa derbes shekteýge arnalǵan onlaın-servıs pılottyq rejımde iske qosyldy.
Áskerı sherý ótkizbeımiz
Elimiz áskerı sherý ótkizbeıtin boldy, byltyr da áskerı sherý ótpegen bolatyn. Qazaqstanda 7 jáne 9 mamyrda áskerı sherýler ótkizilmeıdi.
"Búdjet qarjysyn únemdeý maqsatynda, sondaı-aq basqa da mindetterdi sheshý qajettiligine baılanysty 2024 jyly Qazaqstanda áskerı parad ótkizý josparlanyp otyrǵan joq", degen aqparat taratty búgin Qorǵanys mınıstrligi.
Mamyrda neshe kún demalamyz?
Egov.kz-te mamyr aıynda úsh memlekettik mereke toılanatyny kórsetilgen. Qazaqstandyqtar 1 mamyr – Qazaqstan halqynyń birligi merekesi; 7 mamyr – Otan qorǵaýshylar kúni; 9 mamyr – Jeńis kúnin atap ótedi. Mereke qarsańynda bes kúndik jumys aptasynda: 1 mamyr – demalys, 2 mamyr – jumys, 4 jáne 5 mamyr – demalys, 6 mamyr – jumys, 7 mamyr – demalys, 8 mamyr – jumys, 9 mamyr – demalys, 10 mamyr – jumys bolady. Al alty kúndik jumys aptasynda: 1 mamyr – demalys, 2, 3, 4 mamyr – jumys, 5 mamyr – demalys, 6 mamyr – jumys, 7 mamyr – demalys, 8 mamyr – jumys, 9 mamyr – demalys, 10 jáne 11 mamyr – jumys kúni kórsetilgen.
Sheteldikter de endi JSN ala alady
Buıryq 2024 jylǵy 13 sáýirden bastap qoldanysqa engiziledi. Sheteldikter Qazaqstan Respýblıkasynyń shetelderdegi mekemeleri arqyly JSN ala alady.
"Memlekettik qyzmet kórsetý boıynsha pılottyq joba aıasynda endi shetel azamattary Qazaqstan Respýblıkasynyń shetelderdegi mekemeleri arqyly JSN ala alady" , – delingen qujatta.