Oqý-aǵartý mınıstri Ǵanı Beısembaev óńirlik bilim basqarmalary basshylarynyń qatysýymen ótken aparattyq keńeste sý tasqynynan zardap shekken aımaqtardaǵy balalardy elimizdegi eń úzdik jazǵy saýyqtyrý ortalyqtaryna jiberýdi tapsyrdy.
Vedomstvo basshysy oqý prosesin sapaly uıymdastyra otyryp, balalardyń qaýipsizdigi men quqyqtaryn qorǵaýǵa erekshe nazar aýdarý qajet ekenin atap ótti. Balalardyń quqyqtaryn qorǵaý komıtetine eń aldymen kómekke muqtaj otbasylardaǵy oqýshylardyń jazǵy demalysyn uıymdastyrýdy tapsyrdy.
Aıta keteıik, elimizdegi jyl boıy jumys isteıtin 11 saýyqtyrý ortalyǵy 6-sáýirden bastap oqý prosesin uıymdastyra otyryp, balalardy qabyldaýǵa daıyn. Oqýshylardy tasymaldaý úshin mınıstrlik qaýipsizdik jónindegi nusqaýlyq pen vedomstvoaralyq is-qımyl algorıtmin ázirledi.
Aparattyq keńes barysynda mınıstr balalardyń qaýipsizdigimen qatar, sý tasqyny saldarynan qıyn jaǵdaıǵa tap bolǵan pedagogterdi qoldaý máselesine de toqtaldy. Vedomstvo basshysy sý tasqynyna qarsy is-sharalarǵa qatysqan áriptesterine kórsetken kásibıligi, adamgershiligi jáne shynaıy patrıotızmi úshin alǵysyn bildirdi.