2023 jylǵy 9 aıdyń qorytyndysy boıynsha elimizge saıahattaǵan ishki týrıserdiń sany 11%-ǵa artyp, shamamen 5,4 mln adamǵa jetti.
Onyń ishinde sheteldik týrıserdiń sany – 835 myń adam. Iaǵnı, ishki týrıserdiń úshten biri sheteldikterdiń úlesine tıesili, dep habarlaıdy almaty-akshamy.kz. Al sol sheteldik saıahtashylar elimizdiń qaı óńirlerine jıi saıahattaıdy? Nazarlaryńyzǵa sheteldik týrıserdi eń qóp qabyldaǵan elimizdegi TOP-5 qalany usynamyz. Sheteldik týrıser arasynda elimizdiń ońtústik astanasy týrısik óńir retinde keń tanymal. Máselen, 2023 jylǵy alǵashqy toǵyz aıda Almatyǵa 409 394 adam saıahattap kelgen. Osylaısha, Alataý baýraıyndaǵy arý qala Almaty sheteldik týrıserdi eń qóp qabyldaıtyn elimizdegi qalalardyń kóshin bastady. Almaty qalasy sheteldikter úshin taý-shańǵy kýrorttarymen, sulý tabıǵatymen, qolaıly aýa raıymen tartymdy.
Jýyrda áıgili ıtalıalyq Condé Nast Traveller Italia basylymy Almatydaǵy Shymbulaq taý shańǵy kýrortyn álem saıahatshylary mindetti túrde barýǵa tıis TOP-5 orynnyń biri retinde usynsa, amerıkalyq New York Times nusqasy boıynsha Almaty 2024 jyly barýǵa turarlyq 52 oryn tizimine engen bolatyn. Ekinshi orynǵa el ordasy – Astana qalasy jaıǵasty. Elimizdiń bas qalasyna sheteldikter iskerlik týrızm boıynsha jıi keledi. 2023 jyldyń 9 aıynda Astanaǵa 220 000 sheteldik qonaq kelgen. Reıtıńtiń úshinshi ornyna Mańǵystaý oblysy jaıǵasty. Qart Kaspııdiń jaǵasynda ornalasqan Aqtaýǵa byltyrǵy qańtar-qyrkúıek aralyǵynda 34 435 sheteldik saıahatshynyń tabany tıgen. Úzdik bestiktiń qataryna Atyraý oblysy men Shymkent qalasy endi. Ótken jyldyń alǵashqy 9 aıynda munaıly ólkege 24 431 sheteldik týrıs kelgen bolsa, elimizdiń úshinshi megapolısine 20 837 sheteldik týrıs saıahattaǵan.
«Elimizdiń týrısik áleýeti men dástúrli qonaqjaılyǵynyń arqasynda Qazaqstan sheteldikter arasynda álemdegi eń tanymal týrısik baǵyttardyń birine aınalyp keledi. Qazirgi tańda Qazaqstanǵa 81 eldiń ókilderi vızasyz kele alady. Aldaǵy ýaqytta bul kórsetkishti 100-ge deıin jetkizýdi josparlap jatyrmyz. Budan bólek, 28 elmen 120 marshrýt boıynsha halyqaralyq áýe qatynasy jolǵa qoıylǵan», - dedi Týrızm ındýstrıasy komıteti tóraǵasynyń m. a. Nurtas Káripbaev.