Halyqqa qyzmet kórsetý ortalyqtary saǵat 22:00-ge deıin jumys isteıdi.
23 qańtarda elde sheteldik avtokólikterdi zańdastyrý naýqany bastaldy. Saǵat 18:00-degi aqparatqa sáıkes, 2000-nan astam ótinim maquldanǵan, onyń ishinde 100 adam tıisti qujatyn aldy, dep habarlaıdy Almaty-akshamy.kz Polisia.kz-ke silteme jasap.
– Qujattary tolyq azamattar memlekettik nómirlik belgilerin alyp, óz kólikterin sátti zańdastyrýda, – dep habarlady İİM.
Azamattarǵa HQO-larda mamandar kómektesip jatyr. Munda keńes alyp, bazalar boıynsha qujattardy tekserýge múmkindik bar.
Árbir ótinim jeke qaralady. Qosymsha suraqtar týyndaǵan avtokólik ıelerine qajetti usynystar beriledi.
Halyqqa qyzmet kórsetý ortalyqtary saǵat 22:00-ge deıin jumys isteıdi.
Esterińizge sala keteıik, zańdastyrýǵa ótinimdi e-gov.kz elektrondyq úkimet portaly, ekinshi deńgeıli bankterdiń qosymshasy, halyqqa qyzmet kórsetý ortalyqtary arqyly berýge bolady.
Ereje boıynsha avtokólik Qazaqstanǵa 2022 jyldyń 1 qyrkúıegine deıin ákelingen bolýy kerek, qylmystyq esepte bolmaýy tıis, basqa memlekette burynǵy tirkelgen jeri boıynsha esepten shyǵarylýy qajet.
Sondaı-aq Eýrazıalyq ekonomıkalyq odaqqa kirmeıtin elderden ákelingen avtokólik kedendik tazartýdan ótýi tıis.
Eger avtokólik zańdastyrýǵa jatatyn bolsa, onda alǵashqy tirkeý úshin memlekettik alymdy, memlekettik nómirge tólem men tehpasport úshin memlekettik BAJ tóleý qajet.
Zańdastyrý 2023 jyldyń 1 shildesine deıin jalǵasady.