Memleket basshysynyń tapsyrmasy boıynsha İshki ister mınıstrligi 23 qańtardan 30 maýsymǵa deıin elimizge 2022 jyldyń 1 qyrkúıegine deıin ákelingen sheteldik avtokólikterdi zańdastyrýǵa ótinimder qabyldady, dep habarlaıdy almaty-akshamy.kz.
Elimizge 2022 jyldyń 1 qyrkúıeginen keıin ákelingen kólik quraldary zańdastyrýǵa jatpaıdy. Barlyǵy 237 myńnan astam sheteldik avtokólik zańdastyryldy.
Bir rettik zańdastyrýdy eskere otyryp, avtokólik ıelerine 2023 jyldyń 1 shildesine deıin zańdastyrýǵa berilgen ótinimder aǵymdaǵy jyldyń 31 jeltoqsanyna deıin ǵana qaralatynyn habarlaımyz. Búgingi kúni normatıvtik quqyqtyq aktilerge tıisti ózgerister engizilýde. Iaǵnı, sheteldik avtokólikterdi zańdastyrýǵa eki aıdan az ýaqyt qaldy. Ýaqyttyń shekteýli ekenin eskere otyryp, biz avtokólik ıelerin zańdastyrý prosesin aıaqtaýǵa jáne kólik quraldaryn tirkeýge shaqyramyz, – dedi QR İİM ÁPK basqarma bastyǵynyń orynbasary Altynbek Jamalıev.