29,75 trln teńge ınvestısıa tartý kózdelip otyr.
İri ónerkásip kásiporyndary men halyqaralyq korporasıalardy Qazaqstanǵa kóshirý baǵytynda 62 kompanıamen júrgizilgen jumys nátıjesin berip jatyr. QR Syrtqy ister mınıstriniń birinshi orynbasayr Qaırat Omarov Úkimet otyrysynda osyndaı málimet aıtty, dep habarlaıdy Almaty-akshamy.kz QazAqparatqa silteme jasap.
«Nysanaly kórsetkishterge qol jetkizý úshin shetelden tikeleı tartylatyn ınvestısıalardyń kórsetkishterin aldaǵy jyldarǵa oń serpindi saqtaı otyryp bólý kózdelgen. Iaǵnı, 2023-2026 jyldardyń boljamdy kórsetkishteri 2026 jylǵa deıingi ınvestısıalyq saıasat tujyrymdamasyna sáıkes keledi.
Jyl basynan beri jalpy somasy 3,7 mlrd dollar bolatyn úsh myńnan astam jumys orny quryldy. Taǵy 5 joba iske qosylady dep kútilýde», - dedi birinshi vıse-mınıstr.
Sondaı-aq, ol álemniń 30-dan astam elinen 850 jobaǵa 29,75 trln teńge ınvestısıa tartý kózdelgenin atap ótti.
«Osynyń arqasynda 130 myń jumys orny qurylady. Qazaqstan aýmaǵyna iri ónerkásip kásiporyndary men halyqaralyq korporasıalardy kóshirý prosesi júrip jatyr. Búgingi tańda 62 kompanıa boıynsha naqty nátıje bar», - dedi Qaırat Omarov.