Májilistiń jalpy otyrysynda «Áskerı polısıa organdary týraly» zań jobasy birinshi oqylymda qabyldandy.
Qazaqstannyń qaýipsizdigine áser etetin ishki jáne syrtqy faktorlarǵa baılanysty áskerı polısıanyń ókilettikterin keńeıtý josparlanýda, dep habarlaıdy Almaty-akshamy.kz.
Jalpy otyrysta zań jobasyn Qorǵanys mınıstriniń orynbasary Sultan Kamaletdınov tanystyrdy.
«Biryńǵaı qoldaný jáne túsindirý úshin «qyzmetker» termıni «áskerı qyzmetshi» termınimen aýystyryldy. Áskerı polısıanyń saıası partıalardyń qyzmetine táýelsizdik prınsıpi qosyldy. Qarý men arnaıy fızıkalyq áser etý quraldaryn qoldaný retteldi», - dedi Sultan Kamaletdınov.
Zań jobasy Qazaqstan Respýblıkasy Qarýly Kúshteriniń, Ulttyq qaýipsizdik komıtetiniń jáne Ulttyq ulannyń áskerı polısıa organdarynyń mártebesin, quzyretin, qyzmetin uıymdastyrýdy jáne tártibin aıqyndaýǵa baǵyttalǵan. Zań jobasynda áskerı polısıaǵa áskerı qyzmet qaýipsizdigin qamtamasyz etýdi uıymdastyrýdy vedimistik baqylaý fýnksıasyn berý de qarastyrylǵan. Áskerı polısıa qyzmetkerlerin áleýmettik-quqyqtyq qorǵaý jáne kadr máselesi boıynsha tolyqtyrýlar engizilýde, áskerı polısıa organdarynyń memlekettik organdarmen jáne uıymdarmen, laýazymdy tulǵalarmen ózara is-qımyly jáne yntymaqtastyǵy taraýy keńeıtildi.
Qazaqstan Respýblıkasynyń keıbir zańnamalyq aktilerine áskerı polısıa organdarynyń máseleleri boıynsha ózgerister men tolyqtyrýlar engizý týraly» ilespe zań jobasymen Qazaqstan Respýblıkasynyń Qylmystyq kodeksine jáne birqatar zańdarǵa ózgerister men tolyqtyrýlar engiziledi. «Qorǵanys jáne Qarýly Kúshter týraly» zańǵa Qazaqstan Respýblıkasynyń Prezıdenti men Qazaqstan Respýblıkasy Qorǵanys mınıstrligine áskerı josparlaý júıesin bekitý jáne damytý ókilettikterin berý maqsatynda ózgerister engizilýde.
Zań jobasyn Májilis birinshi oqylymda maquldady.