Tergeý amaldary júrgizilip jatyr.
Ol zańsyz trafık jáne telefon baılanysyn uıymdastyrdy degen kúdikke ilindi, dep habarlaıdy Almaty-akshamy.kz
Ulttyq qaýipsizdik komıteti prokýratýra organdarynyń úılestirýimen zańsyz trafık jáne telefon baılanysyn uıymdastyrdy degen kúdikpen Qazaqstan azamatyn ustady.
Tergeý boljamy boıynsha, kúdikti sheteldik qaskúnemderge alaıaqtyq áreketterin júzege asyrý úshin Qazaqstanǵa soǵylǵan qońyraýdy jasyrýǵa múmkindik beretin qyzmet kórsetken.
«Bul operasıalar sheteldik nómirlerdi qazaqstandyqqa aýystyratyn arnaıy qurylǵyny jáne zıan keltiretin baǵdarlamalyq qondyrǵylardy paıdalana otyra júzege asyrylǵan. Sol arqyly kúdikti ulttyq baılanys operatorlaryna zalal keltire otyryp ústeme paıda alǵan, al sheteldik alaıaqtar onyń qyzmet kórsetýin paıdalanyp, respýblıka turǵyndaryn aldaǵan», - delingen UQK taratqan habarlamada.
Qazirgi kezde Qylmystyq kodekstiń 210-baby 3-bóligi boıynsha sotqa deıingi tergeý amaldary júrgizilip jatyr.
Qylmystyq-prosestik kodekstiń 201-baby 1-bóligine sáıkes ózge aqparattar jarıa etýge jatpaıdy.
Sońǵy 3 jylda 43 mlrd teńge shamasynda zalal keltirgen 59 myń ınternet-alaıaqtyq faktisi tirkelgen.