Bul týraly QR Premer-Mınıstriniń orynbasary – Qarjy mınıstri Erulan Jamaýbaev aıtty.
Onyń aıtýynsha, shetelden Qazaqstanǵa 600 mlrd teńgeden astam qarajat qaıtarylǵan, dep habarlaıdy Almaty-akshamy.kz.
Búgin Májiliste tilshiler Úkimet basshysynyń orynbasaryna elden zańsyz shyǵarylǵan aktıvterdi qaıtarýǵa qatysty suraq qoıdy.
«Bul baǵyttaǵy jumystar boıynsha Bas prokýratýranyń derekteri jarıalanyp jatyr. Qazirgi kezde 670 mlrd teńge qaıtaryldy», - dedi E. Jamaýbaev.
Budan buryn habarlanǵandaı, byltyr qarasha aıynda Memleket basshysy Qasym-Jomart Toqaev Zańsyz shyǵarylǵan aktıvterdi memleketke qaıtarý jónindegi sharalar týraly Jarlyqqa qol qoıdy.