Oqý-aǵartý mınıstrligi memlekettik qyzmetkerlerge, búdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesine túzetý jobasyn ázirledi.
Túzetýler Memleket basshysynyń 2022 jylǵy 1 qyrkúıektegi «Ádiletti memleket. Bir halyq. Gúldengen qoǵam» Qazaqstan halqyna Joldaýyn júzege asyrý sheńberinde bilim berý qyzmetkerleriniń áleýmettik jaǵdaıy men jalaqysyn ósirý maqsatynda ázirlengen, dep habarlaıdy Almaty-akshamy.kz Egemen.kz-ke silteme jasap.
Jobany iske asyrýǵa respýblıkalyq búdjetten 27 799 880 myń teńge qarajat qajet.
Sondaı-aq «Mektepke deıingi tárbıe men oqytýdy, orta bilim berýdi jan basyna shaqqandaǵy normatıvtik qarjylandyrý ádistemesin bekitý týraly» Qazaqstan Respýblıkasy Bilim jáne ǵylym mınıstriniń 2017 jylǵy 27 qarashadaǵy №597 buıryǵyna birqatar ózgeris engiziledi.
Joba 2023 jyldyń 5 mamyryna deıin qoǵamdyq talqylaý úshin «Ashyq NQA» portalynda ornalastyrylǵan.
2023 jylǵy 16 qańtarda Qazaqstan úkimeti azamattyq qyzmetshilerge, memlekettik búdjet esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesine ózgerister engizdi. Nátıjesinde atalǵan sanattaǵy qyzmetkerlerdiń jalaqysy ósti.