Bokstan Qazaqstan erler quramasynyń jańa bas bapkeri kútpegen málimdeme jasady.
Qazaqstan boks federasıasynyń baspasóz qyzmeti jańadan taǵaıyndalǵan erler quramasynyń bas bapkeri Qaırat Sátjanovtyń jumys josparyna qatysty málimdemesin jarıalady, dep habarlaıdy aqshamnews.kz
«Memleket jáne Qazaqstan boks federasıa basshylyǵy jaǵynan senim bildirip jatqanyna alǵysymdy aıtamyn. Bul turǵyda bizge úlken jaýapkershilik júktelip otyr. Qazirgi kezde Qazaqstan boksynda birqatar problema bar. Ol problemalardy Parıj Olımpıadasynda kórdik. Eń birinshiden, jattyǵý josparlarynyń durys qurylmaýy men komandalarmen birlesken oqý-jattyǵý jıyndarynyń ótpeýi sebebinen», - dedi bas bapker.
Onyń sózinshe, alǵa aýqymdy jospar qoıylyp otyr. Birinshiden, jasóspirimder, jastar komandalaryna birdeı kóńil bólý, sondaı-aq Qazaqstandaǵy irikteý jarystarynyń ádil ótýine ekpin qoıylmaq.
«Jattyǵý jıyndarynyń barlyǵyn bir júıege keltirý josparlanǵan. Komanda jumysyn jaqsartý baǵytynda shetelden mamandardy shaqyrtýdy oılastyryp otyrmyz. Qazaqstan ulttyq qurama komandasynyń bas bapkeri bolý jolynda elge qyzmetýge, el senimin aqtaýǵa barymdy salamyn», - dedi ol.