Tórt eldiń ǵalymdary tamyz aıynda Aral teńizine ekspedısıa jasaıdy, dep habarlaıdy aqshamnews.kz
Qytaı ǵalymdary, Ózbekstan mamandary Qazaqstan jáne Reseı ǵalymdarymen birge Aral óńirinde qorshaǵan orta men ekologıa boıynsha dala ekspedısıasyn júrgizedi.
Qytaı, Qazaqstan, Reseı jáne Ózbekstan ǵalymdary tamyz aıynyń sońynda Aral óńirinde dala ekspedısıasyn júrgizedi, dep habarlady Qytaı ǵylym akademıasynyń Shyńjań ekologıa jáne geografıa ınstıtýtynyń dırektory Chjan Iýanmın. Ol bul týraly Ózbekstan syrtqy ister mınıstrliginiń "Dýne" agenttigine bergen suhbatynda aıtty.
"Tamyz aıynyń sońynda Qytaı ǵalymdary, Ózbekstannan kelgen mamandar Qazaqstan jáne Reseı ǵalymdarymen birge Aral óńirinde qorshaǵan orta men ekologıa boıynsha dala ekspedısıasyn júrgizedi", - dedi Chjan Iýanmın.
Ǵalymnyń aıtýynsha, halyqaralyq dalalyq jumys toptary negizinen topyraq qasıetterine, sý rejımine, ósimdikterge, bıoártúrlilikke, sondaı-aq daladaǵy landshafttyq zertteýlerdiń keıbir túrlerine nazar aýdarady.
"Osyndaı dala jumystarynyń arqasynda biz naqty derekter men Aral óńirindegi qazirgi jaǵdaıdyń taldaýyn alamyz, bul aýmaqty qalpyna keltirýge mańyzdy qadam bolady", - dedi Qytaıdan kelgen ınstıtýt dırektory.
Qazaqstan men Ózbekstan shekarasynda ornalasqan Aral teńizi 1960 jylǵa deıin kólemi boıynsha dúnıe júzinde tórtinshi kól boldy. Sońǵy elý jyl ishinde onyń aýmaǵy úsh esege jýyq qysqardy, sý deńgeıi 30 metrge jýyq tómendedi, al sý kólemi 15 esege qysqardy. Tuzdylyǵy da artyp, balyqtar joıyldy.