Mádenıet jáne sport mınıstriniń mindetin atqarýshy Asqat Oralov Japonıadaǵy bedeldi týrnırde altyn medal jeńip alǵan qazaqstandyq breıkdanser Ámir Zakırovpen kezdesti, onda ol týrnır ıeleri men AQSH bıshilerin tabandy kúreste jeńdi, dep habarlady Elorda.info.
Mınıstrdiń mindetin atqarýshy sportshyny jeńisimen quttyqtap, oǵan alǵys hat tabys etti. Kezdesýde sondaı-aq qazaqstandyq breık-danstaǵy ahýal jáne osy baǵytty damytý úshin memleket tarapynan kórsetilýi qajet qoldaý máseleleri talqylandy. Asqat Oralov halyqaralyq arenada el namysyn qorǵaıtyn otandyq sportshylardy qoldaýdyń mańyzdylyǵyn málimdedi.
«Elimizdiń atynan eń joǵary halyqaralyq deńgeıde qatysatyn sportshylardy qoldaý óte mańyzdy, sondyqtan biz barlyq máselelerdi muqıat zertteıtin bolamyz. Mundaı jetistikter, eń aldymen, bolashaq jeńisterge jáne baǵytty damytýǵa qosqan úles. Olar jas sportshylardy shabyttandyrady jáne keń aýdıtorıanyń nazaryn aýdarady. Men Ámirge jáne bizdiń basqa breık-danserlerge aldaǵy iri jarystarda sáttilik tileımin. Alda Hanchjoýdaǵy Azıa oıyndary men Parıjdegi Olımpıada kútip tur, sondyqtan osy týrnırlerge barynsha daıyn bolý kerek jáne óz tarapymyzdan qajetti qoldaý kórsetemiz», — dep atap ótti Mádenıet jáne sport mınıstriniń mindetin atqarýshy.