Túlekterdiń halyqaralyq sertıfıkattarynda kórsetilgen til meńgerý deńgeıi balǵa aýystyrylady.
Bul týraly «Ashyq» NQA portalynda jarıalanǵan Ǵylym jáne joǵary bilim mınıstrliginiń buıryǵynda kórsetilgen, dep habarlaıdy Almaty-akshamy.kz Elorda.info saıtyna silteme jasap.
«Shet tilin (aǵylshyn) meńgergenin rastaıtyn Test of English as a Foreign Language Institutional Testing Programm, Internet-based Test, TOEFL Paper-based test, TOEFL pbt, International English Language Tests System, IELTS halyqaralyq sertıfıkattary bar tulǵalar qalaýy boıynsha UBT-da «Shet tili» (aǵylshyn) beıindik pánin nemese arnaıy pánin baldardy aýystyrý shkalasyna sáıkes bosatylady. Olar bilim berý grantyn taǵaıyndaý konkýrsyna qatysady jáne joǵary oqý oryndaryna aqyly bólimge qabyldanady», - delingen qujatta.
Túlekterdiń atalǵan halyqaralyq sertıfıkattarynda kórsetilgen til meńgerý deńgeıi balǵa aýystyrylady. Máselen, IELTS dárejesi 6.0 jáne odan joǵary bolsa, onda UBT-daǵy aǵylshyn beıindik páni boıynsha baly 45-ke teńesedi. Eger oqýshynyń TOEFL ibt sertıfıkatynada kórsetilgen baly 79 bolsa, bul jaǵdaıda ol UBT-da 45 balǵa aınalady.
Buıryq 20 qańtarǵa deıin ashyq talqylaýda bolady.