Álemdik dodaǵa 50 elden 1 443 atlet qatyspaqshy
12-22 qańtarda Leık-Plesıd qalasynda (AQSH) ótetin HHH Qysqy ýnıversıadada Qazaqstan namysyn 78 sportshy qorǵaıdy, dep habarlaıdy Almaty-akshamy.kz QazAqparatqa silteme jasap.
«Sportty damytý dıreksıasy» RMQK-nyń baspasóz qyzmetinen málim etkenindeı, on kún ishinde 12 sport túrinen 86 júlde jıyntyǵy ıesin tabady.
Buǵan deıin ýnıversıada tarıhynda munsha medal sarapqa salynbaǵan. Leık-Plesıd-2023 uıymdastyrý komıteti óz tarapynan jarystar kúntizbesine shańǵy qossaıysy men tuǵyrdan sekirýdi qosyp otyr.
Álemdik dodaǵa 50 elden 1 443 atlet (832 er, 611 áıel) qatyspaqshy.
Baıraqty básekede Qazaqstan atynan 78 sportshy synǵa tússe, sonyń 14-i shańǵymen jarysýǵa shyǵady.
Delegasıa quramyndaǵy bas bapker Nurbergen Jumaǵazıev bastaǵan 12 short-trekshiden qazaqstandyqtar úlken úmit kútedi.
Bıatlonnan 9, mánerlep syrǵanaý men kónkımen júgirýden 6 sportshy baq synaıdy.
Snoýbord, taý shańǵysy sporty, tuǵyrdan sekirý men qossaıystan 2 adamnan bar.
Shaıbaly hokeıden ulttyq qurama sapynda 21 stýdent bar.
AQSH-taǵy ýnıversıadany Qazsport arnasy tikeleı efırde kórsetedi.
Buǵan deıin 1972 jyly álem stýdentteriniń basyn qosqan Leık-Plesıd qalasy osymen ekinshi ret Qysqy ýnıversıadany qabyldamaq.
2019 jyly Krasnoıarsk qalasynda (Reseı) ótken ýnıversıadada Qazaqstan 8 medalmen (4 kúmis, 4 qola) jalpy esepte 17-orynnan kóringen bolatyn.
Qazaqstandyq stýdentterdiń ozyq nátıjesi 2017 jyly Almatydaǵy básekede tirkeldi. Óz elimizdegi dodada 11 altyn, 8 kúmis pen 17 qola (barlyǵy 36) medalmen Qazaqstan Reseıden keıingi ekinshi satyǵa kóterilgen edi.
Sondaı-aq 2015 jyly Ispanıanyń Granada jáne Slovakıanyń Shtrbske-Pleso qalasy qabyldaǵan XXVII qysqy mýltısport básekesi ulttyq qurama úshin jaqsy aıaqtaldy. On kúnde 5 altyn men 6 kúmisti enshilegen qazaqstandyq delegasıa jalpy esepte 3-orynǵa ıe boldy.
Eske sala keteıik, budan buryn Qysqy ýnıversıadaǵa qatysatyn Qazaqstan hokeı quramasy anyqtalǵanyn jazǵan edik.