Oqıǵa Ferǵana oblysynda oryn alǵan.
Shekarashylar zań talabyna saı kólikti tekserý úshin toqtatyp, zańsyz ákelingen taýarlardy anyqtaǵan. Al kontrabandashylar buǵan qarsylyq tanytyp, shekarashylar olarǵa qarsy oq jaýdyrdy, dep habarlaıdy almaty-akshamy.kz.
Oqıǵa 16 qazanǵa qaraǵan túni bolǵan. Vadıl aýylynda shekarashylar kólikti toqtatady. Sodan keıin, mán-jaıdy anyqtaý úshin eki azamatqa shekara beketine barý kerektigi aıtylady. Dál osy kezde jan-jaqtaǵy ózge de adamdar jınalyp, áskerılerge qarsylyq kórsete bastaıdy. Nátıjesinde áskerı qyzmetshiler men azamattar arasynda janjal týyndaıdy. Eki jaqtyń kúshi teń bolmaǵandyqtan shekarashylar zardap shekti. Sondyqtan áskerıler eskertý retinde birneshe ret oq atýǵa májbúr boldy, dep habarlaıdy eldiń shekara qyzmetiniń Telegram arnasy.
Alaıda shabýylshylar sheginbegen. Sondyqtan shekarashylar jınalǵandarǵa qarsy oq jaýdyrǵan. Saldarynan eki azamat oqıǵa ornynda qaza tapty.
Qazir bul iske qatysty quqyq qorǵaý organdary tergeý júrgizilip jatyr.