QR Eńbek jáne halyqty áleýmettik qorǵaý mınıstri Svetlana Jaqypova Úkimet otyrysynda halyqty jumyspen qamtý boıynsha qabyldanyp jatqan sharalar týraly aıtty.
9 aıdyń qorytyndysy boıynsha 734 myń adam jumysqa ornalastyryldy, onyń 50%-y jastar. Qazaqstandyqtardyń kásipkerlik bastamalaryn qoldaý úshin 5,3 myńnan astam grant jáne 4,7 myńnan astam jeńildetilgen mıkrokredıt berildi, dep habarlaıdy Almaty-akshamy.kz Eńbek jáne halyqty áleýmettik qorǵaý mınıstrliginiń saıtyna silteme jasap.
Svetlana Jaqypova Memleket basshysy 2029 jylǵa deıin 3,3 mln adamdy, onyń ishinde 2,3 mln jastardy jumysqa ornalastyrýdy, sondaı-aq jastar úshin qaıtarymsyz granttar men jyldyq mólsherlemesi 2,5%-dyq jeńildetilgen mıkrokredıtter berý arqyly azamattardyń kásipkerlik bastamalaryn qoldaýdy qamtamasyz etýdi tapsyrǵanyn eske saldy.
«Jyl basynda barlyq óńirlerdiń ákimderimen bekitilgen 20 Óńirlik jumyspen qamtý kartalary sheńberinde Ulttyq jobalar, «10 myń halyqqa 100 jumys orny», memleketten sýbsıdıalanatyn jumys oryndary, jumys berýshilermen usynylatyn bos jumys oryndary, halyqtyń eńbek mobıldiligi baǵdarlamalary aıasynda jumyspen qamtýdyń naqty sharalary bekitilgen.
Óńirlik jumyspen qamtý kartalary sheńberinde osy jylǵa 947 myńnan astam azamatty jumyspen qamtý boıynsha sharalar kózdelgen. 9 aıdyń qorytyndysy boıynsha 734 myń adam jumysqa ornalastyryldy, bul jyldyq kórsetkishtiń 77%-yn quraıdy. Olardyń ishinde jastardyń úlesi 50% - ǵa jetedi. Qazirgi ýaqytta jumysqa ornalastyrylǵan azamattardyń 76%-y úshin zeınetaqy aýdarymdary aýdarylýda, bul olardyń turaqty túrde jumys istep jatqandaryn rastaıdy», – dedi mınıstr.
Ol jumyspen qamtýǵa járdemdesýdiń negizgi sharalary týraly egjeı-tegjeıli aıtyp berdi.
Ulttyq jobalardy iske asyrý aıasynda 45 myńnan astam jańa jumys orny quryldy. Jumys oryndarynyń basym kópshiligi «Qýatty óńirler – el damýynyń draıveri» – 13 098, «Kásipkerlikti damytý» – 11 489, «Agroónerkásip keshenin damytý» – 6 354 ulttyq jobalary sheńberinde ashylady.
Ulttyq jobalar aıasynda jumysqa ornalastyrylǵan azamattardyń 45%-yn jastar (20 573 adam) men múgedektigi bar adamdar (1 961 adam) quraýda.
«Toǵyz aıdyń qorytyndysy boıynsha 228,7 myń adam jumys berýshiler usynǵan oryndaryna ornalastyryldy. Onyń 62%-y aýyl sharýashylyǵy jáne balyq sharýashylyǵy, qurylys jáne óndiris, bilim berý, densaýlyq saqtaý jáne áleýmettik qyzmet kórsetý salalarynda jumyspen qamtylyp otyr. Turaqty jumysqa ornalastyrylǵan azamattardyń 46%-y jastar», – dedi Svetlana Jaqypova.
Memleket basshysynyń árbir 10 myń halyqqa 100 jańa jumys ornyn qurý jónindegi bastamasyn iske asyrý aıasynda 212,9 myń kásipkerlik sýbektisinde 278,5 myńnan astam azamat jumysqa ornalastyryldy. Jumyspen qamtylǵan adamdardyń 4 myńnan astamy múgedektigi bar azamattardyń qatarynan bolsa, 161 myńnan astamy jastardyń qatarynan bolyp otyr.
Memleket sýbsıdıalaıtyn jumys oryndaryna 181,5 myń azamat jumysqa ornalastyryldy, onyń 44% - yn jastar quraıdy. Onyń ishinde qoǵamdyq jumystarǵa – 114 843, áleýmettik jumys oryndaryna – 16 908, jastar praktıkasyna – 27 456, «Kúmis jas» – 14 027, «Alǵashqy jumys orny» – 7 859, «Urpaqtar kelisimsharty» jobalary aıasynda – 406 azamat jumyspen qamtyldy.
«Jumyspen qamtylǵan azamattardyń jalpy sanynyń 50%-ǵa jýyǵy (365,8 myń) 35 jasqa deıingi jastar. Sonymen birge jumyspen qamtylǵandardyń basym kópshiligi (49%) Túrkistan (15%), Jambyl (9%), Aqtóbe (7%), Almaty, Qaraǵandy jáne Qyzylorda oblystarynyń (6%) azamattary.
Sondaı-aq, jasalyp jatqan jumys nátıjesinde jumyspen qamtylǵan azamattardyń 67 paıyzynyń (490 myń) otbasy quramynda keminde bir adam jumys isteı bastady, 244 myń azamattyń otbasy quramynda eki jáne odan da kóp adam jumys isteıdi. Jumyspen qamtylǵan azamattardyń 51%-y aýyl turǵyndary», – dedi Svetlana Jaqypova.
Sondaı-aq, Mınıstr Memleket basshysynyń tapsyrmasyn iske asyrý aıasynda jastarǵa mıkrokredıt berý jumystary júrgizilip jatqanyn aıtty. Búgingi tańda 7 116 ótinim qabyldandy, onyń ishinde jalpy somasy 21,3 mlrd teńgege 4 734 mıkrokredıt berildi.
Budan basqa 418 bıznes-joba óńirlik komısıalardyń qaraýynda jáne 637 ótinim Agrokredıttik korporasıanyń óńirlik fılıaldarynyń qaraýynda.
«Jumyspen qamtýǵa járdemdesýdiń belsendi sharalarynyń kelesi baǵyty memlekettik granttar berý bolyp tabylady. Alǵashqy eki lektiń nátıjesinde halyqtyń osal toptary arasynan 5 316 azamat grant aldy. Jalpy respýblıka boıynsha grant alýshylardyń basym kópshiligi kóp balaly otbasylardyń qatarynan – 2899 grant, múgedektigi bar azamattardyń qatarynan 1038 adam, múgedektigi bar balany qaraýshylar qatarynan 631 adam, ataýly áleýmettik kómek alýshy 365 adam ekendigin atap ótý qajet.
2 062 adam tehnologıalyq jabdyqty satyp alý úshin, 1 568 adam – iri jáne usaq mal satyp alý maqsatynda, 957 adam – eńbek qural saımandaryn satyp alý úshin granttar aldy», – dedi Svetlana Jaqypova.
EHÁQM basshysy Qazaqstan Respýblıkasynyń Kóshi-qon saıasatynyń jańa tujyrymdamasyna sáıkes azamattardy eńbek kúshi artyq óńirlerden eńbek kúshi tapshy óńirlerge kóshirý tetigi qaıta qaralǵanyn aıtty.
«Qonys aýdarýdy yntalandyrý úshin jumys berýshi rastaǵan jumys orny bolǵan kezde jańa oryndaǵy turǵyn úı qunynyń 50% mólsherinde qarjylyq kómek alýǵa quqyq beretin ekonomıkalyq utqyrlyq sertıfıkaty engizildi. Osyǵyn oraı qazirgi tańda 7,5 myń. adam soltústik jáne shyǵys óńirlerge qonys aýdardy, nemese jyldyq jospardyń 87%-y oryndaldy. İshki qonys aýdarýshylar negizinen Túrkistan jáne Almaty oblystarynyń burynǵy turǵyndary.
Kóship kelgen eńbekke qabiletti azamattardyń 73%-y jumyspen qamtý sharalarymen qamtyldy, 5,2 myń adam kóshý shyǵystaryn óteý úshin bir jolǵy bir materıaldyq kómek aldy. 622 otbasy ekonomıkalyq utqyrlyq sertıfıkatyn aldy, 395 otbasy soltústik óńirlerde turǵyn úımen qamtamasyz etildi», – dep túıindedi sóz sońyn Svetlana Jaqypova.