Delımıtasıa jumystary tolyǵymen aıaqtalǵan.
Syrtqy ister mınıstri Muhtar Tileýberdi Reseımen aradaǵy shekarany demarkasıalaý 2-3 jyldaı ýaqyt alady dep otyr, dep habarlaıdy Almaty-akshamy.kz
Qazaqstan men Reseıdiń shekarasy 7,5 myń shaqyrymnan asady. Osy ýaqytqa deıin delımıtasıa jumystary tolyǵymen aıaqtalǵan. Biraq demarkasıa, ıaǵnı, arnaıy belgilerdi ornatý sharalary aıaqtalmaı jatyr.
«Shekaranyń 70 prosenti demarkasıadan, shegendeýden ótkizilgen. Endi 30 paıyzy qalyp otyr. Sonyń bári qıyn jaqtarda - taýly jerde ornalasqan. Sondyqtan qosymsha 2-3 jyldaı ýaqyt alady dep otyrmyz», - dedi Tileýberdi.
Premerdiń orynbasary shekarany mejeleý, ıaǵnı, delımıtasıalaý tolyǵymen aıaqtalǵanyn erekshe atap ótti.
«Biz shekaranyń qaı jerde ótetinin naqty bilip otyrmyz. Qazir shegendeý prosesi ǵana qaldy», - dep atap kórsetti M.Tileýberdi.