QR İİM M.Esbolatov atyndaǵy Almaty akademıasynda orta basshy quramdy daıarlaý fakúltetiniń tyńdaýshylaryna saltanatty túrde sertıfıkattar tapsyryldy, dep habarlaıdy Almaty-akshamy.kz.
Túlekterdi Akademıa bastyǵy, polısıa polkovnıgi A.M. Saıtbekov quttyqtap, búginnen bastap olardyń ómirinde Akademıa qabyrǵasynda alǵan bilimderin qyzmette iskerlikpen kórsetýge, ishki ister organdaryn jańǵyrtýǵa belsendi qatysýǵa, Qazaqstan polısıasynyń bedelin arttyrýǵa, jumystyń asa mańyzdy salalarynda joǵary jetistikterge jetýge múmkindik beretin jańa kásibı kezeń bastalatynyn atap ótti.
Sonymen qatar orta basshy quramdy daıarlaý fakúltetiniń tyńdaýshylary arasyndaǵy QR İshki ister mınıstriniń kýbogy úshin ótken debat týrnıriniń fınaldyq oıyndaryna qatysýshylardy marapattaý rásimi de osy kúnge oraılastyryldy.
Ekinshi týrǵa qatysqan № 2 fakúltet tyńdaýshylary R. Jaryqbasov, Q. Ábdiǵalıev, M. Akramashov, sondaı-aq týrnır jeńimpazy P. Klımov nomınasıalar boıynsha vympelmen jáne dıplomdarmen marapattaldy. Jeńimpaz kýbogy 2 fakúltet tyńdaýshysy Á. Ospanovqa tabys etildi.
Óz kezeginde №2 fakúltettiń tyńdaýshysy, polısıa polkovnıgi B.Zıataev ta sóz sóılep, akademıanyń profesorlyq-oqytýshylyq quramyna rızashylyǵyn bildirdi.
Dástúr boıynsha aıtýly oqıǵaǵa oraı merekelik konsert uıymdastyryldy